ଢେଙ୍କାନାଳ: ରାଗ ବ୍ରହ୍ମ ଚଣ୍ଡାଳ । ଜମିଜମା ବିବାଦରୁ ରାଗରେ ହିତାହତଜ୍ଞାନ ହରାଇ ବସିଲା । ଆଉ ଶେଷରେ ମାତ୍ର ୧୩ ବର୍ଷର ନିଜ ଦାଦା ପୁଅ ଭାଇକୁ ଗାଁ ଦାଣ୍ଡରେ ହାଣି ମୁଣ୍ଡ ଗଣ୍ଡି ଅଲଗା କରିଥିଲା । ଏହି ହତ୍ୟାକାଣ୍ଡର ଅଭିଯୁକ୍ତ ସୁଶାନ୍ତ ସାମଲକୁ ଦୋଷୀ ସାବ୍ୟସ୍ତ କରି ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି କାମାକ୍ଷାନଗର ଅତିରିକ୍ତ ଜିଲ୍ଲା ଦୌରା ଜଜ ।
5 ବର୍ଷ ପରେ ହତ୍ୟାକାଣ୍ଡ ରାୟ ପ୍ରକାଶ
ସୂଚନା ମୁତାବକ, ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଅନ୍ତର୍ଗତ ଗଡ଼ପଳାଶୁଣି ଗ୍ରାମରେ ଗତ ୨୦୧୫ ମସିହା ମେ ୨୭ ତାରିଖରେ ଘଟିଥିଲା ଏହି ଜଘନ୍ୟ ହତ୍ୟାକାଣ୍ଡ । ଜମିଜମା ବିବାଦରୁ ଘଟିଥିଲା ହତ୍ୟାକାଣ୍ଡ । ହତ୍ୟାକାଣ୍ଡରେ ଦୋଷୀ ସାବ୍ୟସ୍ତ ହୋଇଥିଲା ସୁଶାନ୍ତ ସାମଲ । ସେ ତାର ଦାଦା ପୁଅ ଭାଇକୁ ଫୁଲ ତୋଳି ସାଇକେଲରେ ଫେରୁଥିବା ବେଳେ ହତ୍ୟା କରିଥିଲା । ସ୍ପଷ୍ଟ ଦିବାଲୋକରେ ଗାଁ ଦାଣ୍ଡରେ ଟାଙ୍ଗିଆରେ ବେକକୁ ହାଣି ମୁଣ୍ଡ ଗଣ୍ଡି ଅଲଗା କରିଦେଇଥିଲା ।