ଢେଙ୍କାନାଳ: ଢେଙ୍କାନାଳରେ ଚାଞ୍ଚଲ୍ୟ । ମାଂସ ଭାଗବଣ୍ଟାକୁ ନେଇ ଗଡିଲା ମୁଣ୍ଡ । ଜଙ୍ଗଲୀ ଜନ୍ତୁ ସାରିଆପତନିକୁ ମାରି ତାର ମାଂସ ଭାଗବଣ୍ଟାକୁ ନେଇ କଟୁରୀ ଚୋଟରେ ଗଲା ଜଣଙ୍କ ଜୀବନ । ଢେଙ୍କାନାଳ ଜିଲ୍ଲା ରାସୋଳ ଥାନା ଅନ୍ତର୍ଗତ କାଠ କୁମ୍ପା ଗ୍ରାମରେ ଘଟିଛି ଏହି ଅମାନବୀୟ ହତ୍ୟାକାଣ୍ଡ। ମୃତକ ଜଣଙ୍କ ହେଉଛନ୍ତି କୁମ୍ଭ ବେହେରା । ହତ୍ୟାକାଣ୍ଡ ପରେ ଘଟଣାସ୍ଥଳରୁ ଛୁ ମାରିଲେ ଶିକାର କରିଥିବା ଅଭିଯୁକ୍ତ ଓ ମୃତକ ପରିବାର ।
ସୂଚନା ମୁତାବକ, ହିନ୍ଦୋଳର ରାସୋଳ ଥାନା କାଠକୁମ୍ପା ଗାଁରେ ଯାଜାବର ଭାବେ ମଲ୍ଲlର ସମ୍ପ୍ରଦାୟର ଦୁଇ ପରିବାର ରହି ମହୁ ସଂଗ୍ରହ କରି ବିକ୍ରି କରୁଥିଲେ । ଦୁଇ ପରିବାର ଜଙ୍ଗଲରୁ ଏକ ସାରିଆପତନିକୁ ମାରି ଉଭୟ ପରିବାର ମଧ୍ୟରେ ମାଂସ ଭାଗ ବଣ୍ଟା କରୁଥିଲେ। ଫଳରେ ଉଭୟ ପରିବାର ମଧ୍ୟରେ ବଚସା ହୋଇଥିଲା । ଏଥିରେ ଉତକ୍ଷିପ୍ତ ହୋଇ ଗୋଟିଏ ପରିବାରର ବିରଞ୍ଚି ବେହେରା ନାମକ ଜଣେ ଯୁବକ କଟୁରୀରେ ଅପର ପରିବାରର କୁମ୍ଭ ବେହେରାକୁ ହାଣି ପକାଇଥିଲା । ଫଳରେ ଘଟଣାସ୍ଥଳରେ କୁମ୍ଭର ମୃତ୍ୟୁ ଘଟିଥିଲା । ଗ୍ରାମବାସୀଙ୍କ ଠାରୁ ଖବର ପାଇ ଘଟଣାସ୍ଥଳକୁ ରାସୋଳ ଥାନା ପୁଲିସ ପହଞ୍ଚି ମୃତଦେହ ଜବତ କରି ତଦନ୍ତ ଆରମ୍ଭ କରିଛି ।