ଢେଙ୍କାନଳ: କ୍ରମାଗତ ଭାବେ ଜିଲ୍ଲାରେ କୋରୋନା ଆକ୍ରାନ୍ତଙ୍କ ସଂଖ୍ୟା ବଢି ଚାଲିଛି । ଆଜି(ଗୁରୁବାର) ଢେଙ୍କାନାଳ ଜିଲ୍ଲାରେ ୩୯ ଜଣ ପିଜିଟିଭ ଚିହ୍ନଟ ହୋଇଛନ୍ତି। ଜିଲ୍ଲାରେ ମୋଟ ସଂକ୍ରମିତଙ୍କ ସଂଖ୍ୟା ୭୫୪ରେ ପହଞ୍ଚିଛି। ତେବେ ଏହି ୩୯ ଆକ୍ରାନ୍ତଙ୍କ ମଧ୍ୟରୁ ଓଡାପଡା ବ୍ଳକ ଗୁଣ୍ଡିଚାପଡାରୁ ୨୭ ଜଣ ପୂର୍ବ ଆକ୍ରାନ୍ତଙ୍କ ସଂସ୍ପର୍ଶରେ ଆସି ପଜିଟିଭ ଚିହ୍ନଟ ହୋଇଥିବା ଜଣାପଡିଛି ।
ସେହିପରି ଭୁବନ ବ୍ଳକ ଅସୁର ବନ୍ଧରୁ ୪ ଜଣ, ଡେଙ୍ଗାବାହାଳୀରୁ ୨, ଗଁଦିଆରୁ ଜଣେ ଓ ଭୁବନ ଏନଏସିର ଓ୍ବାର୍ଡ ନଂ ୫ ଓ ୨ ରୁ ୫ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହି ଆକ୍ରାନ୍ତମାନଙ୍କ ମଧ୍ୟରୁ ୨୫ ଜଣ ହୋମକ୍ବାରେଣ୍ଟାଇନରୁ, ୯ ଜଣ ଜିଲ୍ଲା ମୁଖ୍ୟ ଚିକିତ୍ସାଳୟରେ ଆଣ୍ଟିଜେନ ଟେଷ୍ଟରୁ ଓ ଅନ୍ୟ ୫ କଟକ ଏସସିବିରୁ ଚିହ୍ନଟ କରାଯାଇଛି। ସମସ୍ତ ଆକ୍ରାନ୍ତଙ୍କୁ ଢେଙ୍କାନାଳ କୋଭିଡ ହସ୍ପିଟାଲରେ ଚିକିତ୍ସା ନିମନ୍ତେ ଭର୍ତ୍ତି କରାଯାଇଛି।