ଢେଙ୍କାନାଳ: ଜିଲ୍ଲା ରାସୋଳ ଥାନା ଅନ୍ତର୍ଗତ ଅଁଳାବେଡା ଗ୍ରାମରେ ରାସ୍ତାକାମକୁ ନେଇ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ଘଟିଛି । ଏଥିରେ ତିନି ଜଣ ଗୁରୁତର ହୋଇଛନ୍ତି । ଗୁରୁତରଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇ ଥିବାବେଳେ ପୋଲିସ ପହଞ୍ଚି ମାମଲାର ତଦନ୍ତ ଆରମ୍ଭ କରିଛି ।
ରାସ୍ତାକାମକୁ ନେଇ ଗୋଷ୍ଠୀ ସଂଘର୍ଷ, ୩ଗୁରୁତର ଢେଙ୍କାନାଳ ଜିଲ୍ଲା ରାସୋଳ ଥାନା ଅନ୍ତର୍ଗତ ଅଁଳାବେଡା ଗ୍ରାମରେ ରାସ୍ତାକାମ ଓ ଗଛକଟାକୁ ନେଇ ତୁମୁଳକାଣ୍ଡ ଘଟିଛି । ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ଘଟି ଉଭୟ ପକ୍ଷର 3 ଜଣ ଗୁରୁତର ଆହତ ହୋଇଛନ୍ତି । ତେବେ ସଂଘର୍ଷ ସମୟରେ ଉତ୍ୟକ୍ତ ଲୋକେ ଠେଙ୍ଗା ଓ ଭୁଜାଲି ବ୍ୟବହାର କରିଥିବା ଜଣାପଡିଛି ।ଗୁରୁତର ତିନିଜଣ ଉକ୍ତ ଗ୍ରାମର ମୂଲିଆ ବିଶ୍ବାଳ, କୈବଲ୍ୟ ବିଶ୍ବାଳ ଓ ସୁଚିତ୍ର। ବିଶ୍ଵାଳ ନାମକ ଜଣେ ମହିଳା ଥିବା ଜଣାପଡିଛି । ଅଁଳାବେଡା ଗ୍ରାମରେ ଏକ ରାସ୍ତାକାମ ଚାଲୁ ଥିବାବେଳେ ସେଠାରୁ କିଛି ଗଛକାଟି ଦେଇଥିଲେ ଠିକାଦାର । ଫଳରେ ଦୁଇଗୋଷ୍ଠୀ ମଧ୍ୟରେ ମାଡପିଟ ହୋଇଥିଲା । ଉଭୟ ପକ୍ଷରୁ ରାସୋଳ ଥାନାରେ ଅଭିଯୋଗ ହେବାପରେ ପୋଲିସ୍ ୨ଟି ମାମଲା ରୁଜୁକରି ତଦନ୍ତ ଆରମ୍ଭ କରିଛି ।
ଢେଙ୍କନାଳରୁ ଉର୍ମିଳା ପାତ୍ର, ଇଟିଭି ଭାରତ
