ଢେଙ୍କାନାଳ: ଜମିଜମା ବିବାଦରୁ ଦୁଇ ପରିବାର ମଧ୍ୟରେ ଲାଗିଥିବା ବିବାଦରେ ଗଁଦିଆ ଥାନାର କାଲୁରିଆ ଗ୍ରାମରେ ରକ୍ତପାତ ଘଟିଛି। ମଙ୍ଗଳବାର ରାତିରେ ଗୋଟିଏ ପରିବାରର ସଦସ୍ୟମାନେ ଅପର ପରିବାରକୁ ଖଣ୍ଡା, କଟୁରି ଓ ତଲଓ୍ବାରରେ ସଂଘବଦ୍ଧ ଭାବେ ଆକ୍ରମଣ କରିଛନ୍ତି। ଫଳରେ 3 ଜଣ ଗୁରୁତର ହୋଇପଡିଛନ୍ତି। ଗୁରୁତର 3 ଜଣଙ୍କୁ ଚିକିତ୍ସା ପାଇଁ ଢେଙ୍କାନାଳ ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ମାତ୍ର ଅବସ୍ଥା ସଂଙ୍କଟାପନ୍ନ ହେବାରୁ ସେମାନଙ୍କୁ କଟକ ସ୍ଥାନାନ୍ତରିତ କରାଯାଇଛି।
ଜମି ବିବାଦରୁ ସଂଘବଦ୍ଧ ଆକ୍ରମଣ, 3ଜଣ ସଙ୍କଟାପନ୍ନ
ସୂଚନା ଅନୁଯାୟୀ ଏହି ସଂଘବଦ୍ଧ ମରଣାନ୍ତକ ଆକ୍ରମଣରେ ଗୁରୁତର 3 ଜଣ କାଲୁରିଆ ଗ୍ରାମର ବହ୍ଲଭ ବେହେରା, ବିପିନ ବେହେରା ଓ ପ୍ରଦୀପ ବେହେରା। ଦୁଇ ପରିବାରର ଗାଁରେ ଥିବା ଏକ ବିବାଦୀୟ ଜମିରେ ଜୋର ଜବରଦସ୍ତ ଜେସିବିରେ କାମ କରୁଥିବାରୁ ଗୁରୁତରମାନେ ପ୍ରତିବାଦ କରିଥିଲେ। ଫଳରେ ଅପର ଗୋଷ୍ଠୀର 7-8 ଜଣ ପୁରୁଷ ଓ ମହିଳା ମିଶି ବିଭିନ୍ନ ମାରଣାସ୍ତ୍ରରେ ଆକ୍ରମଣ କରିଥିଲେ ବୋଲି ପ୍ରକାଶ କରିଛନ୍ତି ଆକ୍ରମଣରେ ଗୁରୁତର ହୋଇଥିବା ବିପିନ ।