ଢେଙ୍କାନାଳ: ଜିଲ୍ଲାର କଙ୍କଡାହାଡ ଥାନା ତଳସାହିରେ ବୋମା ଫୁଟିବା ଫଳରେ ଜଣେ ମହିଳା ଗୁରୁତର ଆହତ ହୋଇଛନ୍ତି । ତେବେ ଏହି ବୋମା ଶିକାର ପାଇଁ ଖଞ୍ଜା ଯାଇଥିବା ବେଳେ ମହିଳା ଜଣକ କାଙ୍କ ସାହାଯ୍ୟରେ ମାଟି ଖୋଳୁଥିବା ଏହି ବିସ୍ଫୋରଣର ଶିକାର ହୋଇଛନ୍ତି ।
ଶିକାର ପାଇଁ ଖଞ୍ଜା ଯାଇଥିବା ବୋମା ଫୁଟି ମହିଳା ଗୁରୁତର
ବିସ୍ଫୋରଣର ଶିକାର ହୋଇଥିବା ମହିଳା ଜଣକ ହେଉଛନ୍ତି ନିରୁପମା ବାରିକ । ନିରୁପମା ଗୁରୁବାର ସକାଳୁ ନଦୀ ନିକଟରେ ଥିବା ନିଜ ବାଡିରେ କାଙ୍କ ସାହାଯ୍ୟରେ ମାଟି ଖୋଳୁଥିଲେ । ଖୋଳିବା ସମୟରେ ବୋମାରେ କାଙ୍କ ବାଜିବା ଫଳରେ ବୋମାଟି ଫୁଟିଯାଇଥିଲା । ଫଳରେ ତାଙ୍କ ମୁହଁରେ ଗଭୀର ଆଘାତ ଲାଗିଛି । ଏହାପରେ ତାଙ୍କୁ ଗୁରତର ଅବସ୍ଥାରେ ୧୦୮ ଆମ୍ବୁଲାନ୍ସ ଯୋଗେ କାମାକ୍ଷାନଗର ମେଡିକାଲରେ ପ୍ରଥମେ ଭର୍ତ୍ତି କରାଯାଇଥିଲା ।