ଦେବଗଡ଼: ଦୁଇଟି ଟ୍ରକ ମୁହାଁମୁହିଁ ଧକ୍କା, ଫଳରେ ଘଟଣା ସ୍ଥଳରେ ଗୋଟିଏ ଟ୍ରକ ସମ୍ପୂର୍ଣ୍ଣ ଜଳିଯିବା ସହ ଜଣେ ଟ୍ରକ ଡ୍ରାଇଭର ଜୀବନ୍ତଦଗ୍ଧ । ଏଭଳି ଏକ ଘଟଣା ଘଟିଛି ବାରକୋଟ ଥାନା ଅନ୍ତର୍ଗତ ବମ୍ପରଡ଼ା ଗାଁ ସ୍ଥିତ 49ନମ୍ବର ଜାତୀୟ ରାଜପଥରେ ।
ଦୁଇଟ୍ରକ ମୁହାମୁହିଁ ଧକ୍କା: ଘଟଣାସ୍ଥଳରେ ଜଳିଗଲା ଟ୍ରକ, ଡ୍ରାଇଭର ଜୀବନ୍ତଦଗ୍ଧ
ମିଳିଥିବା ସୂଚନା ଅନୁଯାୟୀ, ଆଜି ସକାଳ ଭୋର 5 ଟା ସମୟରେ ଦେବଗଡ଼ ପଟୁ କେନ୍ଦୁଝର ଅଭିମୁଖେ ଯାଉଥିବା ଏକ ମାଲ ବୋଝେଇ ଟ୍ରକ ସହ କେନ୍ଦୁଝର ପଟୁ ଦେବଗଡ଼ ଅଭିମୁଖେ ଆସୁଥିବା ଅନ୍ୟ ଏକ ମାଲ ବୋଝେଇ ଟ୍ରକର ମୁହାଁମୁହିଁ ଧକ୍କା ହୋଇଥିଲା । ଫଳରେ ଦେବଗଡ଼ ପଟୁ ଯାଉଥିବା ଟ୍ରକରେ ନିଆଁ ଲାଗି ଘଟଣା ସ୍ଥଳରେ ଟ୍ରକଟି ସମ୍ପୂର୍ଣ୍ଣ ଜଳି ଯାଇଥିଲା । ଟ୍ରକରେ ଥିବା ଡ୍ରାଇଭର ବାହାରକୁ ବାହାରି ନପାରି ଟ୍ରକ ଭିତରେ ଜୀବନ୍ତଦଗ୍ଧ ହୋଇଯାଇଥିଲେ । ଅନ୍ୟ ଟ୍ରକଟି ରାସ୍ତା ତଳକୁ ଖସି ପଡ଼ିଥିଲା ।