ଅନୁଗୋଳ: ଏବେ ସାରା ବିଶ୍ବ କୋରୋନା ଭୟରେ ଆତଙ୍କିତ । ଦିନକୁ ଦିନ ଦେଶରେ ଭୟରୁ ଅତିଭୟଙ୍କର ରୂପ ଧାରଣ କରୁଛି ଏହି ମହାମାରୀ । ସେଥିପାଇଁ ଦେଶବ୍ୟାପୀ ଲକଡାଉନ ଘୋଷଣା କରିଛନ୍ତି ସରକାର । ଏଭଳି ସ୍ଥିତିରେ ବାହାର ରାଜ୍ୟରୁ କାମ କରି ଘରକୁ ଫେରୁଥିବା 5ଜଣ ଶ୍ରମିକଙ୍କୁ ଗ୍ରାମ ଭିତରକୁ ପ୍ରବେଶ କରିବାକୁ ଦେଉ ନାହାଁନ୍ତି ଗାଁ ଲୋକେ । ଲକ ଡାଉନ ସତ୍ତ୍ୱେ ନିଜ ଗାଁରୁ ବାହାର ରାଜ୍ୟକୁ ଯାଇଥିବା ଶ୍ରମିକ ମାନେ ବହୁ ବାଧା ବିଘ୍ନ ଦେଇ ନିଜ ଘରକୁ ଚାଲି ଚାଲି ଫେରୁଛନ୍ତି । ହେଲେ କୋରନା ଭୟରେ ଏବେ ସେମାନେ ବାସନ୍ଦ ହୋଇ ଗାଁ ମୁଣ୍ଡରେ ନଦୀ ପଠାରେ ଭୋକ ଉପାସରେ ପଡ଼ି ରହୁଛନ୍ତି ଏବଂ ଏମାନଙ୍କ ଦୁଃଖ ବୁଝିବାକୁ ସତେ ଯେମିତି କେହି ନାହାନ୍ତି । ଏଭଳି ଦୃଶ୍ୟ ଦେଖିବାକୁ ମିଳିଛି ଦେବଗଡ଼ ଜିଲ୍ଲା ବାରକୋଟ ବ୍ଲକ ସାରୁଆଳି ପଂଞ୍ଚାୟତର ଟାଇଁସିରା ଗାଁରେ ।
ବିଦେଶ ଫେରନ୍ତା ଯୁବକଙ୍କୁ ଗାଁରେ ପ୍ରବେଶ କରାଇଦେଲେନି ଗ୍ରାମବାସୀ