ଦେବଗଡ଼: ବାରକୋଟ ଥାନା ଅନ୍ତର୍ଗତ ଖୁଲୁଣ୍ଡୀପାଣି ଗାଁ ନିକଟସ୍ଥ ଜଙ୍ଗଲରେ ଚାଲିଥିବା ଏକ ଜୁଆ ଆଡ୍ଡା ଉପରେ ବାରକୋଟ ପୋଲିସ ଅତର୍କିତ ଚଢ଼ାଉ କରିଛି । ଘଟଣା ସ୍ଥଳରୁ 2 ଜୁଆଡିକୁ ଗିରଫ କରିବା ସହିତ 19ଟି ବାଇକ ଜବତ କରିଛି ।
ଜୁଆ ଆଡ୍ଡାରେ ପୋଲିସର ଚଢ଼ାଉ, 2 ଜୁଆଡି ଗିରଫ
ସୂଚନା ଅନୁସାରେ, ବାରକୋଟ ଥାନା ଅନ୍ତର୍ଗତ ଖୁଲୁଣ୍ଡୀପାଣି ଗାଁ ନିକଟସ୍ଥ ଜଙ୍ଗଲରେ ଏକ ଜୁଆ ଆଡ୍ଡା ଚାଲିଥିବା ନେଇ ପୋଲିସ ଖବର ପାଇଥିଲା । ଏହାପରେ ଏସଡିପିଓ ସୁଲେମାନ ଏକ୍କାଙ୍କ ନିର୍ଦ୍ଦେଶକ୍ରମେ ବାରକୋଟ ଥାନା ଏସଆଇ ପ୍ରଦୀପ ରଞ୍ଜନ ପାତ୍ର ସଦଳବଳେ ସେଠାରେ ଚଢ଼ାଉ କରିଥିଲେ । ପୋଲିସକୁ ଦେଖି ଜୁଆଡିମାନେ ପୋଲିସ ଉପରେ ପଥର ମାଡ଼ କରି ଖସି ପଳାଇଥିଲେ ।