ଦେବଗଡ: କୋରୋନା ମୁକାବିଲା ପାଇଁ ସରକାରଙ୍କ ପକ୍ଷରୁ ଲକଡାଉନ ଘୋଷଣା ହୋଇଛି । ଏହି ସମୟରେ ଗରିବ, ଅସହାୟ ଓ ନିରାଶ୍ରୟ ଲୋକଙ୍କୁ ପ୍ରତ୍ୟେକ ଦିନ ରନ୍ଧାଖାଦ୍ୟ ଯୋଗାଇ ଦେବାର ବ୍ୟବସ୍ଥା ହୋଇଛି । ହେଲେ ଏଥିରେ ହିତାଧିକାରୀଙ୍କ ତ୍ରୁଟିପୂର୍ଣ୍ଣ ତାଲିକା ପ୍ରସ୍ତୁତିକୁ ନେଇ ଜିଲ୍ଲାର ତିଳେଇବଣି ବ୍ଲକ ଗଣ୍ଡମ ଗାଁରେ ଦେଖାଦେଇଛି ଅସନ୍ତୋଷ ।
ଲକଡାଉନରେ ଖାଦ୍ୟ ବଣ୍ଟନକୁ ନେଇ ଗ୍ରାମବାସୀଙ୍କ ମଧ୍ୟରେ ଅସନ୍ତୋଷ
ଜିଲ୍ଲାର ଦୁର୍ଗମ ଅଞ୍ଚଳ ଭାବେ ପରିଚିତ ଗଣ୍ଡମ ଗାଁରେ ବୁଧବାର ପ୍ରଥମ ଥର ଗରିବ, ଅସହାୟ ଓ ନିରାଶ୍ରୟ ଲୋକଙ୍କୁ ପଞ୍ଚାୟତ ପକ୍ଷରୁ ରନ୍ଧାଖାଦ୍ୟ ବଣ୍ଟାଯାଇଥିଲା । ତେବେ ଏଥିରେ ପ୍ରସ୍ତୁତ ହିତାଧିକାରୀ ତାଲିକାରେ ତ୍ରୁଟି ପରିଲକ୍ଷିତ ହୋଇଥିଲା । ଗାଁରେ ଥିବା ସମସ୍ତ ଗରିବ, ଅସହାୟ ପରିବାର ଓ ସେମାନଙ୍କ ଶିଶୁଙ୍କୁ ଏଥିରେ ସାମିଲ କରାନଯାଇ ମାତ୍ର 10 ଜଣଙ୍କୁ ତାଲିକା ଭୁକ୍ତ କରାଯାଇଥିଲା । ଯାହାକୁ ନେଇ ଗ୍ରାମବାସୀ ଏହାକୁ ବିରୋଧ କରିବା ସହିତ ଗାଁରେ ଥିବା ଗରିବ ଅସହାୟଙ୍କ ପୂର୍ଣ୍ଣ ତାଲିକା ପ୍ରସ୍ତୁତ କରିବାକୁ ସରପଞ୍ଚ ଓ ପଞ୍ଚାୟତ ଅଧିକାରୀଙ୍କ ନିକଟରେ ଅଭିଯୋଗ କରିଥିଲେ ।