ଦେବଗଡ: ଲୋକଙ୍କ ଯାତାୟତରେ ପ୍ରତିବନ୍ଧକ ସାଜିଛି ରିଆମାଳ ବ୍ଲକ ଗୋହିଡା ଓ ଜାମୁନାଳି ଗାଁ ମଧ୍ୟରେ ପ୍ରବାହିତ ହେଉଥିବା ହିଞ୍ଜୁଳି ନାଳ। ବର୍ଷାଋତୁରେ ନାଳରେ ବନ୍ୟା ଆସିବା ଫଳରେ ଉଭୟ ଗାଁ ସମେତ ଆଖପାଖ 5 ଖଣ୍ଡ ଗାଁ ମଧ୍ୟରେ ଯୋଗାଯୋଗ ସମ୍ପୂର୍ଣ୍ଣ ବିଚ୍ଛିନ୍ନ ହୋଇପଡୁଛି । ସାଧାରଣତଃ ବର୍ଷାଋତୁରେ ଗୋହିଡା ଓ ଜାମୁନାଳି ସମେତ ଆଖପାଖରେ ଥିବା ଟାପତାଇଲା, ଲୁଗାପଡା ଓ ରେଙ୍ଗାଳପାଲି ଆଦି ପାଞ୍ଚଖଣ୍ଡ ଗାଁର ଲୋକଙ୍କ ପାଇଁ ଦୁଃଖ ପାଲଟିଛି ଏହି ନାଳ ।
ନାହିଁ ପୋଲ; ହିଞ୍ଜୁଳି ନାଳ ଗ୍ରାମବାସୀଙ୍କ ପାଇଁ ସାଜିଛି କାଳ
ବର୍ଷା ଯୋଗୁଁ ଏହି ନାଳରେ ବନ୍ୟା ଆସିବା ଫଳରେ ଗାଁ ଗାଁ ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇ ପଡୁଛି । ଫଳରେ ଲୋକେ ନାହିଁନଥିବା ସମସ୍ୟା ଭୋଗୁଛନ୍ତି । ବର୍ଷା ଚାରିମାସ ପିଲାଙ୍କ ସ୍କୁଲ ଯିବା ହେଉ କିମ୍ବା ଲୋକଙ୍କ ଚାଉଳ ଓ ଭତ୍ତା ପାଇଁ ପଞ୍ଚାୟତ କାର୍ଯ୍ୟାଳୟ ଯିବା ହେଉ , ନାଳ ଯୋଗୁଁ ଯାତାୟତରେ ଲୋକେ ବହୁ ଅସୁବିଧାର ସମ୍ମୁଖୀନ ହୋଇ ଆସୁଛନ୍ତି ।