ଦେବଗଡ଼: ଜିଲ୍ଲାର ରିଆମାଳ ବ୍ଲକ ମଲେହିପଡା ଗ୍ରାମରେ ଭଙ୍ଗା ଘରେ ବିପଦ ସଙ୍କୁଳ ଅବସ୍ଥାରେ 2 ସନ୍ତାନଙ୍କ ସହ ବିଧବା ମହିଳା ରହୁଛନ୍ତି । ସରକାରଙ୍କ ଆବାସ ଯୋଜନା ମାଧ୍ୟମରେ ଘର ଖଣ୍ଡିଏ ପାଇଁ ସ୍ଥାନୀୟ ପ୍ରଶାସନକୁ ଅନୁରୋଧ କରୁଥିଲେ ମଧ୍ୟ ଘର ପାଇନଥିବା ଅଭିଯୋଗ ହୋଇଛି ।
ସରକାରୀ ଯୋଜନା ଅପହଞ୍ଚ, ଭଙ୍ଗା ଦଦରା ଘରେ ବିତୁଛି ବିଧବା ମହିଳାଙ୍କ ଜୀବନ
ମଲେହିପଡା ଗ୍ରାମରେ 6 ଓ 8 ବର୍ଷର ଶିଶୁପୁତ୍ରଙ୍କୁ ଧରି ବିଧବା ମହିଳା କାଞ୍ଚନ ସୁନା ଭଙ୍ଗା ଦଦରା ଘରେ ବାସ କରୁଛନ୍ତି । ଚାଳ ଘରର ଛାତ କଣା ହୋଇ ଖରାବର୍ଷା କୋପର ଶିକାର ହେଉଥିବା ବେଳେ ଚାରି କାନ୍ଥ ବିପଦ ସଙ୍କୁଳ ଅବସ୍ଥାରେ ଝୁଲି ରହିଛି । ତେବେ ସରକାରଙ୍କ ଆବାସ ଯୋଜନାରେ ପକ୍କା ଘର ପାଇଁ 3ବର୍ଷ ଧରି ସ୍ଥାନୀୟ ସରପଞ୍ଚଙ୍କଠାରୁ ଆରମ୍ଭ କରି ରିଆମାଳ ବିଡ଼ିଓ ଏବଂ ଦେବଗଡ଼ ଜିଲ୍ଲାପାଳଙ୍କୁ ଜଣାଇଥିଲେ ମଧ୍ୟ ଏପର୍ଯ୍ୟନ୍ତ ପକ୍କା ଘରଟିଏ ପାଇ ନଥିବା ଜଣାପଡିଛି ।