କଟକ: କଟକରେ କାୟା ବିସ୍ତାର କରୁଛି କୋରୋନା । ଜିଲ୍ଲାରେ କରୋନା ଆକ୍ରାନ୍ତଙ୍କ ସଂଖ୍ୟା ୬ ଶହ ଟପିଲାଣି । ପ୍ରତ୍ୟେକ ଦିନ ସ୍ଥାନୀୟ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ମଙ୍ଗଳବାର ଜିଲ୍ଲାରେ ୩୯ ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଥିବାବେଳେ ସେଥିରୁ ୨୫ ଜଣ ସ୍ଥାନୀୟ ଆକ୍ରାନ୍ତ ବୋଲି ଜଣାପଡିଛି ।
‘କଟକରେ ନାହିଁ କୋରୋନା ବିପଦ’
ଏଭଳି ସ୍ଥିତିରେ ଜିଲ୍ଲାରେ କୋରୋନାକୁ ନେଇ ଲୋକଙ୍କ ମଧ୍ୟରେ ଭୟର ବାତାବରଣ ଖେଳି ଯାଇଛି । ତେବେ କଟକ ଜିଲ୍ଲାରେ କୋରୋନା ସେଭଳି ଚିନ୍ତାଜନକ ନଥିବା କହିଛନ୍ତି ଜିଲ୍ଲାପାଳ । ପ୍ରବାସୀ ଓଡ଼ିଆ ଆସିବା ପରେ ଯେତିକି ସଂକ୍ରମଣ ହେବା ନେଇ ଆଶା କରାଯାଉଥିଲା ସେତିକି ସଂଖ୍ୟକ ଆକ୍ରାନ୍ତଙ୍କ ସଂଖ୍ୟା ବଢିଛି । ମେଡିକାଲ ତଥା ସରକାରୀ କାର୍ଯ୍ୟାଳୟରେ ଲୋକଙ୍କ ଯାତାୟାତ ହେଉଥିବାରୁ ଏପରି ସମସ୍ୟା ଉପୁଜିଥିବା ଜିଲ୍ଲାପାଳ କହିଛନ୍ତି ।