ମହାନଦୀରେ ବୁଡି ଯୁବକ ନିଖୋଜ, ଉଦ୍ଧାର ପାଇଁ ଓଡ୍ରାଫର ଉଦ୍ୟମ

ମାମୁଁ ଘର ଆସିବା ହେଲା କାଳ । ଗାଧୋଇବାକୁ ଯାଇଥିବା ବେଳେ ଯୁବକ ମହାନଦୀରେ ନିଖୋଜ ।

କଟକ: କଟକ ଜିଲ୍ଲା ବଡମ୍ବା ବ୍ଲକ ଶଙ୍ଖାମେରୀ ମହାନଦୀ ଘାଟରେ ବୁଡି ଜଣେ ଯୁବକ ନିଖୋଜ ହୋଇଛନ୍ତି । ନିଖୋଜ ଯୁବକ ଜଣକ ହେଉଛନ୍ତି ନରସିଂହପୁର ନିଜିଗଡ ପଞ୍ଚାୟତ ମାଧେଇପଦା ଗ୍ରାମର ପ୍ରକାଶ ସାହୁ ।

ସୂଚନା ଅନୁଯାୟୀ ପ୍ରକାଶ ତାଙ୍କ ମାମୁଁ ଘର ଶଙ୍ଖାମେରୀ ଗ୍ରାମକୁ ଆସିଥିଲେ । ଏହି ସମୟରେ ଗ୍ରାମର ଅନ୍ୟ 2 ଯୁବକଙ୍କ ସହ ବଡମ୍ବା ଶଙ୍ଖାମେରୀ ମହାନଦୀ ଘାଟକୁ ଗାଧୋଇବାକୁ ଯାଇଥିଲେ । ଗାଧୋଇବା ସମୟରେ 3 ଜଣ ଯୁବକ ମହାନଦୀରେ ବୁଡି ଯାଇଥିବା ବେଳେ ସେଥିମଧ୍ୟରୁ ଦୁଇ ଜଣଙ୍କୁ ଉଦ୍ଧାର କରାଯାଇଛି । କିନ୍ତୁ ପ୍ରକାଶ ସାହୁ ନିଖୋଜ ହୋଇଯାଇଛନ୍ତି । ଉଦ୍ଧାର 2ଜଣଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି । ଅନ୍ୟପଟେ ନିଖୋଜ ପ୍ରକାଶଙ୍କୁ ଉଦ୍ଧାର ପାଇଁ ଓଡ୍ରାଫ ଟିମ ତଲାସୀ ଜାରି ରଖିଛି ।

କଟକରୁ ନାରାୟଣ ସାହୁ, ଇଟିଭି ଭାରତ