ଦାମୀ ଗାଡିରେ 4 ଲକ୍ଷରୁ ଊର୍ଦ୍ଧ୍ବ ଟଙ୍କାର ଗଞ୍ଜେଇ ଜବତ

ଏକ ଦାମୀ ଗାଡିରେ ୯୨ କେଜି ଗଞ୍ଜେଇ ବ୍ରହ୍ମପୁରରୁ କଲିକତା ଯାଉଥିଲାବେଳେ ଟାଙ୍ଗୀ ନିକଟରେ ଜବତ କରିଛି ଷ୍ଟେଟ ଫ୍ଲାଇଙ୍ଗ ସ୍କ୍ୱାର୍ଡ । ଅଧିକ ପଢନ୍ତୁ

କଟକ: କଟକରୁ ପୁଣି ଜବତ ହେଲା ବିପୁଳ ପରିମାଣର ଗଞ୍ଜେଇ । ଟାଙ୍ଗୀ ଟୋଲଗେଟ ନିକଟରେ ପାଟ୍ରୋଲିଂ ସମୟରେ ଷ୍ଟେଟ ଫ୍ଲାଇଙ୍ଗ ସ୍କ୍ୱାର୍ଡ ହାତରେ ଲାଗିଛି ଏହି ସଫଳତା । ଏକ ଦାମୀ ଗାଡିରେ ୯୨ କେଜି ଗଞ୍ଜେଇ ବ୍ରହ୍ମପୁରରୁ କଲିକତା ଯାଉଥିଲାବେଳେ ଟାଙ୍ଗୀ ନିକଟରେ ଜବତ କରିଛି ବିଭାଗ । ଗଞ୍ଜେଇ ଆନୁମାନିକ ମୂଲ୍ୟ ୪ ଲକ୍ଷ ଟଙ୍କାରୁ ଊର୍ଦ୍ଧ୍ବ ହେବ ।

ଏହି ମାମଲାରେ ଦୁଇ ଜଣଙ୍କୁ ଗିରଫ କରିଛି ବିଭାଗ । ଦୁଇ ଜଣ ଅଭିଯୁକ୍ତ ବିହାରର ବୋଲି ଜଣାପଡ଼ିଛି । ତେବେ ଏହି କମ ଦିନ ମଧ୍ୟରେ କଟକରୁ ବାରମ୍ବାର ଜବତ ହେଉଛି ଗଞ୍ଜେଇ । ଆଉ ଆଗାମୀ ଦିନରେ ଏହି ଅବକାରୀ ସାମଗ୍ରୀ ଉପରେ ଚଢ଼ାଉ ଜାରି ରହିବା ନେଇ ସ୍ପଷ୍ଟ କରିଛି ବିଭାଗ ।

କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ