ଏସସିବିରୁ ପୁଣି ଦୁଇ ଦଲାଲ ଗିରଫ

ପୁଣି ଗିରଫ ହେଲେ ଦୁଇ ଦଲାଲ । ଏସସିବି ମେଡିକାଲ କଲେଜ ପରିସସରରୁ ଗିରିଶ କୁମାର ମହାନ୍ତି ଓ ସୁବଳ ଚରଣ ଦାସ ନାମକ ଦୁଇଜଣ ବ୍ୟକ୍ତିଙ୍କୁ ଗିରଫ କରିଛି କମିସନରେଟ ପୋଲିସ । ଅଧିକ ପଢ଼ନ୍ତୁ...

କଟକ: କମିଶନରେଟ ପୋଲିସ ପଞ୍ଝାରେ ପୁଣି ଦୁଇ ମେଡିକାଲ ଦଲାଲ। ରାଜ୍ୟ ସରକାରଙ୍କ ଦ୍ବାରା ଆରମ୍ଭ ହୋଇଥିବା ଦଲାଲ ମୁକ୍ତ ମେଡିକାଲ ଓ ଆରଟିଓ ଅଭିଯାନରେ ଯାହାକୁ ନେଇ ବେଶ ତତ୍ପର ହୋଇ ପଡିଛି କଟକ ପୋଲିସ । ସୋମବାର କଟକ ଶ୍ରୀରାମଚନ୍ଦ୍ର ଭଞ୍ଜ ମେଡିକାଲ ପରିସରରୁ ଦୁଇ ଦଲାଲଙ୍କୁ ଗିରଫ କରିଛି ପୋଲିସ ।

ଗିରଫ ହୋଇଥିବା ଦୁଇ ବ୍ୟକ୍ତିଙ୍କ ନାମ ଗିରିଶ କୁମାର ମହାନ୍ତି ଓ ସୁବଳ ଚରଣ ଦାସ । ଏମାନେ ପ୍ରାୟତଃ ମେଡିକାଲ ପରିସରରୁ ରୋଗୀଙ୍କୁ ବିଭିନ୍ନ ଘରୋଇ ହସ୍ପିଟାଲକୁ ଚାଲାଣ କରିଥାନ୍ତି । ରବିବାର ମଧ୍ୟ କଟକ କମିଶନରେଟ ପୋଲିସ କଡା ଆଭିମୁଖ୍ୟ ଦେଖାଇ ୫ ଦଲାଲଙ୍କୁ ଗିରଫ କରିଥିଲା ।

କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ