କଟକ: ସିଡ଼ିଏ ସେକ୍ଟର 6 ନିକଟରେ ଥିବା ଦିବନ୍ଧ ବସ୍ତିରେ ଉଚ୍ଛେଦ ସମୟରେ ପୋଲିସ ଓ ବସ୍ତିବାସିନ୍ଦା ମୁହାଁମୁହିଁ । ଜିଲ୍ଲାପାଳଙ୍କ ଉପସ୍ଥିତିରେ ବସ୍ତି ଉଚ୍ଛେଦ କରାଯାଇଥିବା ବେଳେ ବିନା ନୋଟିସରେ ବସ୍ତି ଉଚ୍ଛେଦ ହୋଇଥିବା ଅଭିଯୋଗ କରିଛନ୍ତି ବସ୍ତି ବାସିନ୍ଦା । ତେବେ ବର୍ଷା ଦିନେ ପ୍ରଥମେ ଥଇଥାନ କରି ବସ୍ତି ଉଚ୍ଛେଦକୁ ଅନେକ ନା ପସନ୍ଦ କରିଛନ୍ତି ।
ଉଚ୍ଛେଦ ପ୍ରକ୍ରିୟାରେ 10 ପ୍ଲାଟୁନ ପୋଲିସ, ସିଏମସି କର୍ମଚାରୀ, ତହସିଲଦାର ଉପସ୍ଥିତ ଥିଲେ । ଅନ୍ୟପକ୍ଷରେ ଅବକାରୀ କାର୍ଯ୍ୟାଳୟ ପାଇଁ ରାସ୍ତା ଦରକାର ଥିବାରୁ ବସ୍ତି ଉଚ୍ଛେଦ ହେଉଥିବା କଟକ ଜିଲ୍ଲାପାଳ କହିଛନ୍ତି । ତେବେ ଡାକବାଜି ଯନ୍ତ୍ର ମାଧ୍ୟମରେ ବସ୍ତି ଖାଲି କରିବା ପାଇଁ ପୂର୍ବରୁ ପ୍ରଚାର କରାଯାଇଥିଲା । କିଛି ମୁଷ୍ଟିମେୟ ଲୋକ ଜାଣିଶୁଣି ବସ୍ତିରେ ଉତ୍ତେଜନା ସୃଷ୍ଟି କରାଇଛନ୍ତି । ତେବେ ରାସ୍ତା ହେଲେ ଅନେକ ସୁବିଧା ମିଳିବ ବୋଲି ଜିଲ୍ଲାପାଳ କହିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ