କଟକ: ବର୍ତ୍ତମାନ ଜିଲ୍ଲାରେ ଅନେକ ସରକାରୀ ସ୍କୁଲ ଜରାଜୀର୍ଣ୍ଣ ଅବସ୍ଥାରେ ରହିଛି । ପାନୀୟ ଜଳ ଯୋଗାଣରେ ଅଭାବ, ସ୍କୁଲ ପରିବେଶର ସ୍ଥିତି ମଧ୍ୟ ବେଶ ଉଦବେଗଜନକ । ତେବେ ଏହି ପରିପ୍ରେକ୍ଷୀରେ ଜିଲା ପ୍ରଶାସନ ପକ୍ଷରୁ ଆରମ୍ଭ ହୋଇଥିବା ସ୍ବଚ୍ଛତା ମିଶନକୁ ଆହୁରି ଦୃଢ଼ୀଭୂତ କରାଯିବ । ଏହାଦ୍ବାରା ପ୍ରତ୍ୟେକ ସ୍କୁଲରେ ସ୍ବଚ୍ଛ ପାନୀୟ ଜଳ ଯୋଗାଣ ଓ ସ୍କୁଲ ପରିବେଶ ମଧ୍ୟ ଭଲ ରହିବ ବୋଲି କହିଛନ୍ତି କଟକ ଜିଲ୍ଲାପାଳ ।
ଅବ୍ୟବସ୍ଥା ଘେରରେ ସ୍କୁଲ, ସ୍ବଚ୍ଛତା ମିଶନ ସଫଳ ପାଇଁ ଜିଲ୍ଲା ପ୍ରଶାସନର ଅଭିଯାନ ସବୁଠୁ ଗୁରୁତ୍ବପୂର୍ଣ୍ଣ କଥା ହେଉଛି ସ୍କୁଲ ଛାତ୍ରଛାତ୍ରୀମାନେ ଯେଉଁ ଶୌଚାଳୟ ବ୍ୟବହାର କରୁଛନ୍ତି ସେଥିରେ ମଧ୍ୟ ଅଭିଯୋଗ ଆସୁଛି । ତେଣୁ ଏହି ଅଭିଯାନରେ ସବୁ ସମସ୍ୟା ଦୂର ହୋଇପାରିବ । ଏହାସହ ଆସୁଥିବା ମାଟ୍ରିକ ପରୀକ୍ଷାରେ ମଧ୍ୟ ପିଲାମାନେ ଭଲ ଫଳାଫଳ କରିବାକୁ ଆଶା ରଖିଛି ପ୍ରଶାସନ । କାରଣ ମିଶନ ‘ଜିରୋ ଏଫ’ ଗତବର୍ଷ ସଫଳ ହୋଇଥିଲା । ତେବେ ଏହି ଆଧାରରେ ମାଟ୍ରିକ ପରୀକ୍ଷାରେ ଛାତ୍ରଛାତ୍ରୀମାନେ କୃତକାର୍ଯ୍ୟ ହୋଇ ପାରିବେ ତାକୁ ନେଇ ପ୍ରଧାନଶିକ୍ଷକ ମାନଙ୍କୁ ମଧ୍ୟ ସୂଚନା ଦିଆଯାଇଛି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
