କଟକ: କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗକୁ ମିଳିଛି ବଡ଼ ସଫଳତା । ଗିରଫ ହେଲା ବଡ଼ ଗଞ୍ଜେଇ ବେପାରି ବିଜୟ କୁମାର ମାଣିଆ । ବାଲିପାଟଣା ଥାନା ଅନ୍ତର୍ଗତ ପଦ୍ମପୁର ଛକ ନିକଟରୁ ଶୁକ୍ରବାର ଏହି ବଡ଼ ଧରଣର ଗଞ୍ଜେଇ ଚାଲାଣକୁ ଚଢାଉ କରିଛି ଗୁଇନ୍ଦା ବିଭାଗ । ବର୍ତ୍ତମାନ ଲକଡାଉନ ସମୟରେ ବିଜୟ ଉପରେ ବିଭାଗର ଦୀର୍ଘ ଦିନ ହେବ ନଜର ରହିଥିଲା ।
କେନ୍ଦ୍ରାଞ୍ଚଳ ଅବକାରୀ ବିଭାଗକୁ ସଫଳତା, 11 ଲକ୍ଷ ଟଙ୍କାର ଗଞ୍ଜେଇ ଜବତ ସେପଟେ ବିଜୟ କଟକ ଭୁବନେଶ୍ବର ଏମିତି କି ଅନ୍ୟ ଜିଲ୍ଲାମାନଙ୍କୁ ମଧ୍ୟ ଗଞ୍ଜେଇ ଚାଲାଣ କରୁଥିବା ବିଭାଗ ପାଖରେ ସୂଚନା ହସ୍ତଗତ ହୋଇଛି । ତେବେ ଏହାକୁ ଆଖି ଆଗରେ ରଖି ଶୁକ୍ରବାର ସକାଳେ ବିଜୟକୁ ଗିରଫ କରିଛି ବିଭାଗ । ଏହାସହ 105 କିଲୋଗ୍ରାମ ଗଞ୍ଜେଇ ମଧ୍ୟ ଜବତ ହୋଇଛି । ଯାହାର ମୂଲ୍ୟ 11 ଲକ୍ଷ ହେବା ନେଇ ଆକଳନ କରିଛି ବିଭାଗ । ଏହାସହ 42 ହଜାର ନଗଦ ଟଙ୍କା ମଧ୍ୟ ଜବତ ହୋଇଥିବା ଜଣା ପଡିଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
