କଟକ: ଭିନ୍ନକ୍ଷମ ନାବାଳିକା ଦୁଷ୍କର୍ମକାରୀକୁ ୧୪ ବର୍ଷ ସଶ୍ରମ କାରାଦଣ୍ଡାଦେଶ ଶୁଣାଇଲେ କଟକ ସ୍ବତନ୍ତ୍ର ପୋକ୍ସୋ ଅଦାଲତ । ଅଭିଯୁକ୍ତ ସୁରେଶ ପୂର୍ତ୍ତୀ ପୋକ୍ସୋ କୋର୍ଟରେ ଦୋଷୀ ସାବ୍ୟସ୍ତ ହେବା ପରେ ଏହି ଦଣ୍ଡାଦେଶ ଶୁଣାଇଛନ୍ତି କୋର୍ଟ। ୨୦୧୫ ମସିହା ଫେବୃଆରୀ ୨୭ ରେ ଖୁଣ୍ଟୁଣି ଅଞ୍ଚଳରେ ଘଟିଥିଲା ଏହି ଘଟଣା।
ପୀଡିତା ଦିବ୍ୟାଙ୍ଗ ନାବାଳିକା ଦାଦାର ବିବାହ ଉତ୍ସବ ଚାଲିଥିବା ବେଳେ ଅଭିଯୁକ୍ତ ନାବାଳିକାକୁ ଅପହରଣ କରି ନେଇଥିଲା ଅଭିଯୁକ୍ତ। ନିକଟସ୍ଥ ଏକ ଜଙ୍ଗଲରେ ଥିବା ପଲା କୁଡ଼ିଆରେ ତିନି ଦିନ ଧରି ଧମକ ଚମକ ଦେଇ ଦୁଷ୍କର୍ମ କରିଥିଲା। ପରିବାର ଲୋକ ଭିନ୍ନକ୍ଷମ ନାବାଳିକାକୁ ନ ପାଇ ଥାନାରେ ଅଭିଯୋଗ କରିଥିଲେ।
ଭିନ୍ନକ୍ଷମ ନାବାଳିକା ଦୁଷ୍କର୍ମ ମାମଲା: ଅଭିଯୁକ୍ତଙ୍କୁ ୧୪ ବର୍ଷ ଜେଲ ଦଣ୍ଡାଦେଶ ଶୁଣାଇଲେ ଅଦାଲତ
ପୋକ୍ସୋ କୋର୍ଟରେ ଶୁଣାଣି ବେଳେ ପ୍ରସିକ୍ୟୁଟର ପକ୍ଷରୁ ଦାଖଲ ହୋଇଥିବା ୧୨ ଟି ତଥ୍ୟ ପ୍ରମାଣ ଓ ୨୨ ଜଣ ସାକ୍ଷୀଙ୍କ ବୟାନକୁ ଆଧାର କରି ଏହି ଦଣ୍ଡାଦେଶ ଦେଇଛନ୍ତି ଅଦାଲତ। ପୋକ୍ସୋ ଆଇନ ଧାରା ୬ ଅନୁଯାୟୀ ୧୪ ବର୍ଷ ସଶ୍ରମ କାରାଦଣ୍ଡ ସହିତ ୧୦ ହଜାର ଟଙ୍କା ଜୋରିମାନା ନିର୍ଦ୍ଦେଶ ଦେଇଛନ୍ତି।