କଟକ: ଆଜି କଳାଧନ ଠୁଳ ସମ୍ପର୍କିତ ଏସଆଇଟି ଗୁରୁତ୍ୱପୂର୍ଣ୍ଣ ବୈଠକ କଟକ ତେଲେଙ୍ଗା ବଜାର ସ୍ଥିତ ଜଷ୍ଟିସ ଅରଜିତ ପଶାୟତଙ୍କ ବାସ ଭବନରେ ଶେଷ ହୋଇଛି । ଆସନ୍ତା ୨ ମାସ ମଧ୍ୟରେ ଏସଆଇଟି ସୁପ୍ରିମକୋର୍ଟରେ ସପ୍ତମ ରିପୋର୍ଟ ପ୍ରଦାନ କରିବାକୁ ଯାଉଛନ୍ତି । ସ୍ୱିସ ବ୍ୟାଙ୍କ ନାମ ଘୋଷଣା କରିଥିବା ଆଉ ୫୦ ଜଣ ଭାରତୀୟଙ୍କୁ ଏସଆଇଟି ନୋଟିସ ଦେବ । ଆୟର ଉତ୍ସ ଦେଖାଇ ନପାରିଲେ କାର୍ଯ୍ୟାନୁଷ୍ଠାନ ନିଆଯିବ । ଏହାସହ ଗତ ନିର୍ବାଚନ ରେ ଜବତ ହୋଇଥିବା ୩ ହଜାର ୮୦୦ କୋଟି ଟଙ୍କା କେଉଁଠୁ ଆସିଲା ତାହାର ମଧ୍ୟ ତଦନ୍ତ ଆରମ୍ଭ କରିଛି ଏସଆଇଟି ।
ସରିଲା ଏସଆଇଟି ଗୁରୁତ୍ୱପୂର୍ଣ ବୈଠକ । ଏବେ ତର୍ଜମାର ବେଳ। ବୈଠକ ଆରମ୍ଭରୁ ଗତ ନିର୍ବାଚନ ରେ ନେତାଙ୍କ ଖର୍ଚ୍ଚ ନେଇ ଜୋର ଧରିଥିଲା ଆଲୋଚନା । ବିପୁଳ ପରିମାଣର ଟଙ୍କା ସହ
ନାର୍କୋଟିକସ ଡ୍ରଗ୍ସ ଓ ଡାଇମଣ୍ଡ ମଧ୍ୟ ଦେଶର ବିଭିନ୍ନ ସ୍ଥାନରେ ଜବତ ହୋଇଛି । ଜବତ ହୋଇଥିବା ୩ ହଜାର ୮୦୦ କୋଟି ଟଙ୍କାର ଉତ୍ସ ସମ୍ପର୍କରେ ତଦନ୍ତ କରୁଛି ଏସଆଇଟି । ତେବେ କଳାଧନ ସମ୍ପର୍କିତ ଘଟଣାର ସମାଧାନ ପାଇଁ ଏକ ସ୍ବତନ୍ତ୍ର କୋର୍ଟ ସହ ଆଇନର ସଂଶୋଧନର ଆବଶ୍ୟକ ବୋଲି ମତ ରଖିଛନ୍ତି ଜଷ୍ଟିସ ଅରଜିତ ପଶାୟତ ।