କଟକ: ସରକାରୀ ବାସଭବନରେ ମଧ୍ୟବର୍ତ୍ତୀକାଳୀନ ପୋଲିସ ଡିଜି ଭାବେ ଦାୟିତ୍ବ ଗ୍ରହଣ କଲେ ସତ୍ୟଜିତ୍ ମହାନ୍ତି । ଏହାସହ ଗୁଇନ୍ଦା ନିର୍ଦ୍ଦେଶକ ଭାବେ ମଧ୍ୟ ଦାୟିତ୍ବ ତୁଲାଇବେ ସତ୍ୟଜିତ ।
ଡିଜିପି ବିଜୟ କୁମାର ଶର୍ମାଙ୍କୁ ପୋଲିସ ମୁଖ୍ୟ ପଦରୁ ହଟାଯିବା ପରେ ସତ୍ୟଜିତ ମହାନ୍ତିଙ୍କୁ ତୁରନ୍ତ ଦାୟିତ୍ବ ନେବାକୁ ସିଏମଓ ଅଫିସରୁ ନିର୍ଦ୍ଦେଶନାମା ଜାରି ହୋଇଥିଲା । ନିର୍ଦ୍ଦେଶନାମା ଜାରି ହେବାପରେ ସତ୍ୟଜିତ ମହାନ୍ତି ସରକାରୀ ବାସଭବନରେ ଦାୟିତ୍ବ ଗ୍ରହଣ କରିଛନ୍ତି । ନୂତନ ଡିଜି ଭାବେ ନିଯୁକ୍ତି ପାଇଥିବା ଆଇପିଏସ ଅଭୟ ଓଡିଶା ଆସି ଦାୟିତ୍ବ ନେବା ପର୍ଯ୍ଯନ୍ତ ସତ୍ୟଜିତ ମହାନ୍ତି ଏହି ଅତିରିକ୍ତ ଦାୟିତ୍ବରେ ରହିବେ ।