କଟକ:କଟକ ବିଡାନାସୀ ଥାନା କୃଷକ ବଜାର ନିକଟରୁ ଯୁବତୀଙ୍କ ମୃତଦେହ ଉଦ୍ଧାର ଘଟଣା । ଏପର୍ଯ୍ୟନ୍ତ ମୃତ ଯୁବତୀଙ୍କ ପରିଚୟ ମିଳି ପାରିନାହିଁ । ଏନେଇ ପୋଲିସ ତଦନ୍ତ ଜାରି ରଖିଛି । ଯୁବତୀ ଜଣକ ବିବାହିତ ବୋଲି ପ୍ରାଥମିକ ତଦନ୍ତରୁ ଜଣାପଡ଼ିଛି ।
କୃଷକ ବଜାରରୁ ଯୁବତୀଙ୍କ ମୃତଦେହ ଉଦ୍ଧାର ଘଟଣା;ଯୁବତୀଙ୍କ ଫଟୋ ଜାରି କଲା ପୋଲିସ କେଉଁ ପରିସ୍ଥିତିରେ ଏବଂ କିପରି ଯୁବତୀଙ୍କ ମୃତ୍ୟୁ ଘଟିଲା, ତାହା ଶବ ବ୍ୟବଚ୍ଛେଦ ରିପୋର୍ଟ ଆସିଲେ ଜଣାପଡିବ। ଯୁବତୀ ଜଣକ ଯଦିଓ ବିବାହିତ ତେବେ ତାଙ୍କ ଠିକଣା କଣ ? କିଏ ଏହି ଯୁବତୀ ଜଣକ ? ସେ କାହାକୁ ବିବାହ କରିଛନ୍ତି ? ତାଙ୍କ ଘର କେଉଁଠି? ସେ କଟକ ବାସିନ୍ଦା ନାଁ ସେ କଟକରେ ଭଡାରେ ରହୁଥିଲେ? ଏନେଇ ପୋଲିସକୁ କୌଣସି ତଥ୍ୟ ମିଳିପାରି ନାହିଁ ।
ଏହାବି ପଢନ୍ତୁ:କଟକରେ ହତ୍ୟା ! କୃଷକ ବଜାରରୁ ଯୁବତୀଙ୍କ ମୃତଦେହ ଉଦ୍ଧାର
ତେବେ ଯୁବତୀଙ୍କ ସମ୍ପର୍କରେ ଅଧିକ ତଥ୍ୟ ଜାଣିବା ପାଇଁ ପୋଲିସ ପକ୍ଷରୁ ଯୁବତୀଙ୍କ ଫଟୋ ଜାରି କରାଯାଇଛି । ଯଦିଓ ଯୁବତୀ ଜଣକ ଆତ୍ମହତ୍ୟା କରିଥିବା କଥା ଚର୍ଚ୍ଚା ହେଉଛି । ସେ କାହିଁକି ଆତ୍ମହତ୍ୟା କରିଲେ ?
କିଛି ପାରିବାରିକ ସମସ୍ୟା ରହିଥିଲା କି ? ଏହି ଘଟଣାରେ କଟକ ଡିସିପିଙ୍କ ସମେତ ବରିଷ୍ଠ ପୋଲିସ ଅଧିକାରୀ, ସାଇଣ୍ଟିଫିକ ଟିମ ଓ ଡ୍ରଗ୍ସ ସ୍କ୍ବାର୍ଡ, ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ କରୁଛନ୍ତି। ହତ୍ୟା ନାଁ ଆତ୍ମହତ୍ୟା କରିଛନ୍ତି ଯୁବତୀ ଜଣକ ? ଏନେଇ ସମସ୍ତ ଦିଗକୁ ଧ୍ୟାନରେ ରଖି ତଦନ୍ତ କରୁଛି ପୋଲିସ। ତେବେ ତଦନ୍ତ ପରେ ଘଟଣାର ସମସ୍ତ କଥା ଜଣାପଡିବ।
କଟକରୁ ନାରାୟଣ ସାହୁ, ଇଟିଭି ଭାରତ
