ବଜ୍ରାଘାତରେ ଚାଷୀ ସହ ବଳଦ ମୃତ

କଟକ ଜିଲ୍ଲା ନରସିଂହପୁର ବ୍ଲକ କୋକୋଳବା ପଞ୍ଚାୟତ ଖଳିସାହି ଗ୍ରାମରେ ବଜ୍ରାଘାତରେ ଜଣେ ଚାଷୀ ଓ ଗୋଟିଏ ବଳଦର ମୃତ୍ୟୁ ଘଟିଛି ।

କଟକ: ନିକଟରେ ବଜ୍ରାଘାତରେ ଅନେକ ଜୀବନ ଯାଉଥିବା ବେଳେ ଶନିବାର ପୁଣି ଏଭଳି ଏକ ଘଟଣା ଦେଖିବାକୁ ମିଳିଛି । କଟକ ଜିଲ୍ଲା ନରସିଂହପୁର ବ୍ଲକ କୋକୋଳବା ପଞ୍ଚାୟତ ଖଳିସାହି ଗ୍ରାମରେ ବଜ୍ରାଘାତରେ ଜଣେ ଚାଷୀ ଓ ଗୋଟିଏ ବଳଦର ମୃତ୍ୟୁ ଘଟିଛି ।

ମୃତ ଚାଷୀ ଜଣକ ଦାମ ବେହେରା(60 ବର୍ଷ) ବୋଲି ଜଣାପଡିଛି । ସୂଚନାନୁଯାୟୀ ଶନିବାର ପ୍ରାୟ ଅପରାହ୍ନ ସମୟରେ ବିଲରେ ଧାନ ବୁଣୁଥିବା ସମୟରେ ହଠାତ ବର୍ଷା ପବନ ସହ ବଜ୍ରପାତ ହୋଇଥିଲା । ତେବେ ବଜ୍ରାଘାତରେ ଦାମଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ଗୋଟିଏ ବଳଦର ମଧ୍ୟ ମୃତ୍ୟୁ ହୋଇଛି । ସେହିପରି ଆଉ ଗୋଟିଏ ବଳଦ ଆହତ ହୋଇଥିବା ଜଣାପଡିଛି।

କଟକରୁ ନାରାୟଣ ସାହୁ, ଇଟିଭି ଭାରତ