କଟକ: ସରିଲା ଚତୁର୍ଥ ପର୍ଯ୍ୟାୟର ନାମାଙ୍କନ ପତ୍ର ଦାଖଲ ପ୍ରକ୍ରିୟା । ମଙ୍ଗଳବାର(ଆଜି) ଶେଷ ଦିନରେ ନିଆଳି, ସାଲେପୁର, ମାହାଙ୍ଗା ନିର୍ବାଚନ ମଣ୍ଡଳୀରୁ ୫ଜଣ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଛନ୍ତି । ନିଆଳିରୁ ୨ଜଣ, ସାଲେପୁରରୁ ୨ଜଣ ଓ ମାହଙ୍ଗାରୁ ଜଣେ ପ୍ରାର୍ଥୀ ଆଜି ନାମାଙ୍କନ ପତ୍ର ଦାଖଲ କରିଛନ୍ତି ।
ଫଟୋ ସୌଜନ୍ୟ- ସମ୍ବାଦଦାତା କଟକ
ନିଆଳିରୁ ବିଜେପି ପ୍ରାର୍ଥୀ ଭାବେ ଛବି ମଲ୍ଲିକ ନାମାଙ୍କନ ପତ୍ର ଦାଖଲ କରିଥିବା ବେଳେ, ଅଭିମନ୍ୟୁ ମଲ୍ଲିକ କଂଗ୍ରେସ ଟିକେଟ ନ ପାଇ ସ୍ଵାଧୀନ ପ୍ରାର୍ଥୀ ଭାବେ ପ୍ରାର୍ଥୀପତ୍ର ଦାଖଲ କରିଛନ୍ତି। ସେହିପରି ସାଲେପୁରରୁ କଂଗ୍ରେସ ପ୍ରାର୍ଥୀ ଭାବେ ରବୀନ୍ଦ୍ରନାଥ କର ପ୍ରାର୍ଥୀପତ୍ର ଦାଖଲ କରିଥିବାବେଳେ, ମହମ୍ମଦ ସାରଜାନ କଂଗ୍ରେସ ଟିକେଟ ନ ପାଇ ସ୍ଵାଧୀନ ପ୍ରାର୍ଥୀ ଭାବେ ପ୍ରାର୍ଥୀପତ୍ର ଦାଖଲ କରିଛନ୍ତି।