କଟକ:ସ୍ବାମୀକୁ ସ୍ତ୍ରୀ ନିର୍ଯାତନା ଘଟଣାରେ ମୁହଁ ଖୋଲିଲେ ସ୍ତ୍ରୀ ସୋନାଲି । ନିର୍ଯାତନା ଘଟଣାକୁ ଘୋଡାଇବା ପାଇଁ ସ୍ବାମୀ ମୋହିତ ଶର୍ମା ଏଭଳି ଅଭିଯୋଗ ଆଣିଛନ୍ତି ବୋଲି ସେ ଅଭିଯୋଗ କରିଛନ୍ତି । ସୋନାଲି ତାଙ୍କ ପ୍ରେମିକଙ୍କ ସହିତ ମିଶି ତାଙ୍କୁ ଓ ପରିବାରକୁ ନିର୍ଯାତନା ଦେଇଥିଲେ ବୋଲି ଗତ ଗୁରୁବାର ସ୍ବାମୀ ମୋହିତ ପତ୍ନୀ ସୋନାଲିଙ୍କ ବିରୋଧରେ ଅଭିଯୋଗ ଆଣିଥିଲେ ।
‘ନିର୍ଯାତନା ଘଟଣା ଘୋଡାଇବା ପାଇଁ ଟାଟୁ କଥା ଉଠିଲା’
ବାହାଘରର କିଛିଦିନ ସମ୍ପର୍କ ଠିକ ଥିଲା । ବାପ ଘର ଟଙ୍କା ନଦେବାରୁ ଆରମ୍ଭ ହେଲା ନିର୍ଯାତନା । ମୋ ଦେହରେ ରହିଥିବା ଟାଟୁ ବିଷୟରେ ମୋହିତ ଜାଣିଥିଲେ। ମୋହିତଙ୍କ ଉପସ୍ଥିତିରେ ଟାଟୁକୁ ଲିଭାଇ ଦେଇଛି । ସ୍ତ୍ରୀ ହିସାବରେ ସବୁ ପ୍ରକାର ବୁଝାମଣା କରିବାକୁ ଚେଷ୍ଟା କରିଛି ବୋଲି କହିଛନ୍ତି ସୋନାଲି । ଶାଶୁଙ୍କ ଭୂମିକାକୁ ନେଇ ପ୍ରଶ୍ନ କଲେ ସୋନାଲି । ଶାଶୁ ହୋଇ ସେ ନିର୍ଯାତନା ଦେଇଛନ୍ତି ବୋଲି ସୋନାଲି ଅଭିଯୋଗ ଆଣିଛନ୍ତି ।