କଟକ: ସରିଲା ଚଳିତବର୍ଷର ମାଟ୍ରିକ ପରୀକ୍ଷା ଖାତା ମୂଲ୍ୟାୟନ ପ୍ରକ୍ରିୟା । ରାଜ୍ୟର ମୋଟ 60ଟି କେନ୍ଦ୍ରରେ ଅନୁଷ୍ଠିତ ଏହି ମୂଲ୍ୟାୟନ ପ୍ରକ୍ରିୟା ଶୁକ୍ରବାର ସୁରୁଖୁରୁରେ ଶେଷ ହୋଇଛି । ତେବେ ଚଳିତବର୍ଷର ମୂଲ୍ୟାଙ୍କନ ପ୍ରକ୍ରିୟାରେ କୌଣସି ତ୍ରୁଟି ପରିଲକ୍ଷିତ ହୋଇ ନଥିବା ପ୍ରକାଶ ପାଇଛି। ତେଣେ ଆସନ୍ତା ମେ’ ମାସ ସୁଦ୍ଧା ରେଜଲ୍ଟ ଘୋଷଣା କରାଯିବ ବୋଲି କହିଛନ୍ତି ବୋର୍ଡ଼ ସମ୍ପାଦକ ରାମଶିଷ ହାଜରା।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ଚଳିତବର୍ଷର ମାଟ୍ରିକ ପରୀକ୍ଷା ବେଶ ବିବାଦୀୟ ହୋଇଥିଲା। କାରଣ ପରୀକ୍ଷାର ପ୍ରଥମ ଦିନରୁ ହିଁ ପ୍ରଶ୍ନପତ୍ର ଭାଇରାଲ ହୋଇଥିଲା। ଯେଉଥିପାଇଁ ଚିନ୍ତାରେ ପଡିଥିଲେ ଛାତ୍ରଛାତ୍ରୀ, ଅଭିଭାବକ ଓ ବୋର୍ଡ଼ । ଏପରିକି ପ୍ରତିଟି ଅଭିଯୋଗରେ ଆକ୍ସନ ମଧ୍ୟ ନେଇଥିଲା ବୋର୍ଡ।