କଟକ: ଅନ୍ତଃରାଜ୍ୟ ଡକାୟତଙ୍କୁ ଗିରଫ କରିଛି କମିଶନରେଟ ପୋଲିସ । ଗତକାଲି ରାତିରେ ଚୌଦ୍ବାର ଥାନା ନିକଟ ମୁଣ୍ଡାସାହିରୁ ଗିରଫ କରାଯାଇଛି । ସେମାନଙ୍କ ଠାରୁ ସୁନା, ଲୁହାରଡ଼,କଟୁରି, ଭୁଜାଲି, ଟର୍ଚ୍ଚଲାଇଟ ଆଦି ଜବତ କରିଛି ପୋଲିସ ।
ସାବଧାନ ମାତିଛନ୍ତି ଅନ୍ତଃରାଜ୍ୟ ଡକାୟତ !
ଏହି ଡକାୟତ ମାନେ ବିଶେଷକରି ମହାରାଷ୍ଟ୍ର ଓ ମଧ୍ୟପ୍ରଦେଶରୁ ଆସିଛନ୍ତି । ଏମାନେ ଅନେକ ସମୟରେ ବେଲୁନ, ଖେଳନା ଆଦି ବିକ୍ରୟ କରି ଦିନରେ ଠାବ କରନ୍ତି । ରାତ୍ରି ସମୟରେ ଟାର୍ଗେଟ କରିଥିବା ଘରେ ପଶି ଡକାୟତି କରିଥାଆନ୍ତି । ଏହି ଡକାୟତ ମାନେ ଓଡ଼ିଶାର ବିଭିନ୍ନ ସ୍ଥାନରେ ରହି ଡକାୟତି କରିଥାଆନ୍ତି । କଟକ, ଭୁବନେଶ୍ୱର, ପୁରୀ,ମୟୁରଭଞ୍ଜ, ରାଉରକେଲା ଆଦି ସ୍ଥାନରେ ଗ୍ରୁପ ହୋଇ ଡକାୟତି କରିଥାଆନ୍ତି ବୋଲି ସୂଚନା ଦେଇଛନ୍ତି ଡ଼ିସିପି ଅଖିଳେଶ୍ଵର ସିଂହ ।