କଟକ: ଆଇନଜୀବୀଙ୍କ ବିଭିନ୍ନ ସମସ୍ୟାକୁ ନେଇ ଆଜି ରାଜ୍ୟବ୍ୟାପୀ କାର୍ଯ୍ୟରୁ ନିବୃତ୍ତ ରହିଛନ୍ତି ଓକିଲ। ଏଥିସହିତ ପ୍ରତିଟି ଜିଲ୍ଲାରେ ରହିଥିବା ବାର୍ ପକ୍ଷରୁ ଆଜି ପ୍ରଧାନମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରାଯାଇଛି । କଟକରେ ମଧ୍ୟ ଆଜି ହାଇକୋର୍ଟ ବାର ଆସୋସିଏସନ, ରାଜ୍ୟ ବାର ଆସୋସିଏସନ ସମେତ ଅନ୍ୟାନ୍ୟ ବାର ଆସୋସିଏସନର ଆଇନଜୀବୀମାନେ ଏକାଠି ହୋଇଥିଲେ।
ଏକ ରାଲି ବାହାର କରି ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିଥିଲେ ଆଇନଜୀବୀ । ସେଠାରେ ପ୍ରଧାନମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରିଥିଲେ । ଆଇନଜୀବୀଙ୍କ କଲ୍ୟାଣ ପାଇଁ କେନ୍ଦ୍ର ବଜେଟରେ ବାର୍ଷିକ ୫ ହଜାର କୋଟି ଟଙ୍କାର ବ୍ୟୟ ବରାଦ, ବୀମା ବ୍ୟବସ୍ଥା, ନୂଆ ଭାବେ ଯୋଗ ଦେଉଥିବା ଆଇନଜୀବୀଙ୍କୁ ୫ରୁ ୧୦ ହଜାର ଟଙ୍କା ଷ୍ଟାଇପେଣ୍ଡ ପ୍ରଦାନ ଭଳି ବିଭିନ୍ନ ଦାବି ରଖାଯାଇଛି।