କଟକ: ମିଥ୍ୟା ସତ୍ୟପାଠ ଅଭିଯୋଗ ପ୍ରସଙ୍ଗରେ ପରିବହନ ମନ୍ତ୍ରୀ ପଦ୍ମନାଭ ବେହେରାଙ୍କ ବିରୋଧରେ ଆଇନ ଅନୁଯାୟୀ ମାମଲା ରୁଜୁ କରିବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ଆବେଦନକାରୀ ଭଗବାନ ବାଗଙ୍କ ପକ୍ଷରୁ ମନ୍ତ୍ରୀଙ୍କ ବିରୋଧରେ ମ୍ୟାଟ୍ରିକ ସାର୍ଟିଫିକେଟ ଜାଲିଆତି କରିଥିବା ଅଭିଯୋଗ ହୋଇଥିଲା । ଏ ସମ୍ପର୍କର ଏକ ମାମଲା ରୁଜୁ କରିବା ପାଇଁ ହାଇକୋର୍ଟର ବିଚରପତି ବି ଆର ଷଡଙ୍ଗୀ ନିର୍ଦ୍ଦେଶ ଦେଇଛନ୍ତି ।
ମନ୍ତ୍ରୀଙ୍କ ବିରୋଧରେ ଏନେଇ ହୋଇଥିବା ଅଭିଯୋଗକୁ ଭିତ୍ତି କରି ଏଫଆଇଆର ରୁଜୁ କରିବାକୁ କୋର୍ଟ, ବିରମହାରାଜପୁର ଥାନା ଅଧିକାରୀଙ୍କୁ ସ୍ପଷ୍ଟ କରିଛନ୍ତି । ଗତ ୨୦୦୪ ମସିହାରେ ମନ୍ତ୍ରୀ ନିର୍ବାଚନୀ ସତ୍ୟପାଠରେ ନିଜର ମ୍ୟାଟ୍ରିକ ସାର୍ଟିଫିକେଟ ସମ୍ପର୍କରେ ଯେଉଁ ସତ୍ୟପାଠ ଦେଇଥିଲେ ପରବର୍ତ୍ତୀ ସମୟରେ ଏହି ସମ୍ପର୍କରେ ଦେଇଥିବା ତଥ୍ୟରେ ତାଳମେଳ ରହିନଥିଲା । ଏପରିସ୍ଥଳେ ସେ ନିଜର ମ୍ୟାଟ୍ରିକ ସାର୍ଟିଫିକେଟ ସମ୍ପର୍କରେ ଭୁଲ ତଥ୍ୟ ଦେଇଥିବା ଜଣାପଡିଥିଲା ।