କଟକ:ଦୀପାବଳିରେ ଅଘଟଣ । ଆଲୋକର ପର୍ବ ଦୀପାବଳିକୁ ନେଇ ଚାରିଆଡେ ଉତ୍ସବର ମାହୋଲ ରହିଥିବାବେଳେ, କିଛି ସ୍ଥାନରେ ବାଣ ପଡି ଅଘଟଣର ଖବର ସାମ୍ନାକୁ ଆସୁଛି । ସେହିପରି କଟକ ନୟାସଡ଼କର ଓଟିଏମ୍ ଲୁଗା ଦେକାନର ଉପର ମହଲାରେ ଘଟିଛି ଭୟାବହ ଅଗ୍ନିକାଣ୍ଡ । ଘଟଣା ସ୍ଥଳରେ ୨ଦମକଳ ଆସି ନିଆଁକୁ ଆୟତ୍ତ କରିଛି ।
ଦୀପାବଳୀରେ ଅଗ୍ନିକାଣ୍ଡ,ଜଳିଗଲା ଲୁଗାଦୋକାନ
ତେବେ ନିଆଁ ଲାଗିବାର କାରଣ ଅସ୍ପଷ୍ଟ ଥିବାବେଳେ ବାଣ ପଡି ଦୋକାନରେ ନିଆଁ ଲାଗିଥିବା ନେଇ ସନ୍ଦେହ କରାଯାଉଛି । ଏହି ଅଗ୍ନିକାଣ୍ଡରେ ହୋଇଥିବା କ୍ଷୟକ୍ଷତି ସମ୍ପର୍କରେ ବର୍ତ୍ତମାନ ସୁଧା ସଠିକ ଆକଳନ କରାଯାଇ ପାରିନାହିଁ । ବଡଧରଣର କ୍ଷୟକ୍ଷତି ଆଶଙ୍କା ରହିଛି । ଅନ୍ୟପଟେ ଏନେଇ ସ୍ଥାନୀୟ ଅଞ୍ଚଳରେ ଭୟାବହ ବାତାବରଣ ସୃଷ୍ଟି ହୋଇଛି ।