କଟକ: 'ଫନି'ର ଲ୍ୟାଣ୍ଡଫଲ୍ ପ୍ରକ୍ରିୟା ଆରମ୍ଭ । ରାଜ୍ୟ ସାରା ପ୍ରବଳରୁ ଅତି ପ୍ରବଳରେ ବର୍ଷା ସହ ପବନ ବହୁଛି । 'ଫନି' ଏବେ ସିଲଭର ସିଟିରେ ଭୟଙ୍କର ରୂପ ଧାରଣ କଲାଣି । ଏନେଇ ଜିଲ୍ଲା ପ୍ରଶାସନ ପକ୍ଷରୁ ଖୋଲାଯାଇଥିବା ସ୍ବତନ୍ତ୍ର କଣ୍ଟ୍ରୋଲ ରୁମ୍ ସକ୍ରିୟ ରହିଛି । ଜନସାଧାରଣଙ୍କୁ ବାତ୍ୟା ସମ୍ପର୍କିତ ସମସ୍ତ ତଥ୍ୟ, ସତର୍କ ସୂଚନା ସହ ସହାୟତା ଯୋଗାଇବାରେ ତତ୍ପର ରହିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ଵର୍ତ୍ତମାନ ସୁଦ୍ଧା ଅନେକ ଅଭିଯୋଗ ଜିଲ୍ଲାପାଳଙ୍କ କଣ୍ଟ୍ରୋଲରେ ପହଞ୍ଚି ସାରିଛି । ପ୍ରତି ମୁହୂର୍ତ୍ତରେ ଲୋକଙ୍କ ସମସ୍ୟା ଶୁଣି ସେମାନଙ୍କୁ ସାହାଯ୍ୟର ହାତ ବଢ଼ାଉଛି ପ୍ରଶାସନ । ଯେପରି ଆଶ୍ରିତମାନଙ୍କୁ ଶୁଖିଲା ଖାଦ୍ୟ, ରନ୍ଧା ଖାଦ୍ୟ, ପିଇବା ପାଣି,ପରିମଳ ଓ ଔଷଧ ଯୋଗାଇ ଦେବାର ବ୍ୟବସ୍ଥା କରିବା । ଏହାସହ ରିଲିଫ୍ ପହଞ୍ଚାଇବା ପାଇଁ ଜିଲ୍ଲାପାଳଙ୍କ କାର୍ଯ୍ୟାଳୟରୁ ରିଲିଫ୍ ସାମଗ୍ରୀ ଗାଡିରେ ଭର୍ତ୍ତି କରି ବାତ୍ୟା ବିପନ୍ନ ଓ ଆଶ୍ରୟସ୍ଥଳୀକୁ ପଠାଯାଉଛି ।