କଟକ: ଦାମୀ କାରରେ ସିକ୍ରେଟ ଚାମ୍ବର କରି ପଶ୍ଚିମବଙ୍ଗକୁ ଚାଲାଣ ହେଉଥିଲା ଗଞ୍ଜେଇ । ମାଡି ବସିଲା କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ । କଟକ ଜିଲ୍ଲା ଟୋଲ ଗେଟରୁ ୧୨୦ କେଜି ଗଞ୍ଜେଇ ଜବତ ହୋଇଛି । ଏଥିରେ ୩ ଜଣଙ୍କୁ ଗିରଫ କରି ଚାଲାଣ ହେଉଥିବା ଦାମୀ କାର ମଧ୍ୟ ଜବତ କରାଯାଇଛି ।
ସିକ୍ରେଟ ଚାମ୍ବରରେ ପଶ୍ଚିମବଙ୍ଗକୁ ଗଞ୍ଜେଇ ଚାଲାଣ
ଜବତ ହୋଇଥିବା ଗଞ୍ଜେଇର ଆନୁମାନିକ ମୂଲ୍ୟ ୧୨ ଲକ୍ଷ ଟଙ୍କା ହୋଇଥିବା ବେଳେ ଜବତ କାରର ମୁଖ୍ୟ ପ୍ରାୟ ୧୦ ଲକ୍ଷ ଟଙ୍କା । ଏହି ଗଞ୍ଜେଇ ଆନ୍ଧ୍ରପ୍ରଦେଶରୁ ପଶ୍ଚିମବଙ୍ଗକୁ ଚାଲାଣ ହେଉଥିଲା । ଏନେଇ ଉପ ଅଧିକ୍ଷକ ପ୍ରତାପ କୁମାର ଦାସ ସୂଚନା ଦେଇ କହିଛନ୍ତି, "ଡେପୁଟି କମିଶନର ରଜତ ପ୍ରହରାଜଙ୍କ ନିର୍ଦ୍ଦେଶ କ୍ରମେ ଏକ ସ୍ବତନ୍ତ୍ର ଟିମ ଗଠନ ହୋଇଥିଲା । କଟକ ଟାଙ୍ଗି ଟୋଲଗେଟରେ ପାଟ୍ରୋଲିଂ ଚାଲୁଥିବାବେଳେ ଏକ ପଶ୍ଚିମବଙ୍ଗ ଗାଡ଼ିକୁ ଅଟକାଇ ଯାଇଥିଲା । ଗାଡ଼ିର ଯାଞ୍ଚ ପରେ ସିକ୍ରେଟ ଚାମ୍ବରରୁ ୧୨୦ କେଜି ଗଞ୍ଜେଇ ଜବତ ହୋଇଛି ।"