କଟକ: ଶାଶୁଙ୍କୁ ବଞ୍ଚାଇବାକୁ ଯାଇ ଚାଲିଗଲା ଶାଶୁ ସମେତ 2 ବୋହୂଙ୍କ ଜୀବନ। ଏଭଳି ଅଘଟଣ ଘଟିଛି ସାଲେପୁର ଭାରିଗୋଳ ପଞ୍ଚାୟତ ବେତେଇ ଗ୍ରାମର 1 ନମ୍ବର ୱାର୍ଡରେ। ମୃତକ ହେଉଛନ୍ତି ଶାଶୁ ହେଉଛନ୍ତି ଝୁନି ମଲ୍ଲିକ ଏବଂ ଦୁଇ ବୋହୂ ଚୁମି ମଲ୍ଲିକ ଓ ସିତ ମଲ୍ଲିକ।
ଶାଶୂ ଝୁନି ଘର ବାହାରେ ଥିବା ତାରରେ ଲୁଗା ଶୁଖାଉଥିଲେ। ଏହି ସମୟରେ ତାଙ୍କୁ ବିଦ୍ୟୁତ ଆଘାତ ଲାଗିଥିଲା। ତେବେ ଝୁନିଙ୍କୁ ତାଙ୍କ 2 ବୋହୂ ଚୁମି ଓ ସିତ ବଞ୍ଚାଇବାକୁ ଯାଇ ପ୍ରାଣ ହରାଇଥିଲେ। ଘଟଣାସ୍ଥଳରେ ହିଁ 3 ଜଣଙ୍କ ମୃତ୍ୟୁ ହୋଇଥିଲା। ଗ୍ରାମବାସୀ ତିନି ଜଣଙ୍କୁ ଉଦ୍ଧାର କରି ସାଲେପୁର ଡାକ୍ତରଖାନାରେ ଭର୍ତ୍ତି କରିଥିବା ବେଳେ, ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ।
କଟକରୁ ନାରାୟଣ ସାହୁ, ଇଟିଭି ଭାରତ