କଟକ: ରାଜ୍ୟରେ ପୁଣି ଏକ ବଡ଼ ଧାରଣର GST ଠକେଇର ପର୍ଦ୍ଦାଫାସ କଲା ରାଜ୍ୟ GST ବିଭାଗ । ଏହି ରାକେଟରେ 641 କୋଟି ଟଙ୍କାର ନକଲି ବିଲ ପ୍ରସ୍ତୁତ କରି ୧୧୫ କୋଟି ଟଙ୍କାର ଇନପୁଟ ଟାକ୍ସ କ୍ରେଡିଟ ହାସଲ କରାଯାଇଛି । ଏହି ଠକେଇ ଅଭିଯୋଗରେ ବିଭାଗ ୨ ଜଣ ବ୍ୟବସ୍ୟାୟୀଙ୍କୁ ଗିରଫ କରିଛି ।
ରାଜ୍ୟରେ ୧୧୫ କୋଟିର GST ଠକେଇର ପର୍ଦ୍ଦାଫାଶ
ଗିରଫ ଅଭିଯୁକ୍ତ ହେଉଛନ୍ତି ଗୁରଦୀପ ଡାଙ୍ଗ ଓ ସୂଜୟ ମୈତ୍ର । ଗୁରଦୀପକୁ ରାଉରକେଲାରୁ ଗିରଫ କରାଯାଇଥିବା ବେଳେ ସୂଜୟକୁ ଭୁବନେଶ୍ୱରରୁ ଗିରଫ କରାଯାଇଛି । ଅଭିଯୁକ୍ତ ମାନେ ନକଲି ବିଲ ବଦଳରେ ୧୧୫.୧୦ କୋଟି ଟଙ୍କାର ଜାଲ ITC ସଂଗ୍ରହ ସହ ହସ୍ତାନ୍ତର କରିଥିଲେ। ୨ ଅଭିଯୁକ୍ତ ଅନ୍ୟମାନଙ୍କ ସହ ମିଶି ୧୬ଟି ଜାଲ ବ୍ୟବସାୟିକ ପ୍ରତିଷ୍ଠାନ ତିଆରି କରିଥିଲେ ।