କଟକ:ରାତି ପାହିଲେ ଆଲୋକର ପର୍ବ ଦୀପାବଳି । ଏଥିପାଇଁ ବାଣ ଦୋକାନରେ ଗ୍ରାହକଙ୍କ ଭିଡ ଲାଗିଛି । କଟକ ସହରାଞ୍ଚଳର ପୋଲିସ ଅଧୀନସ୍ଥ ମୋଟ 27ଟି ସ୍ଥାନରେ ବାଣ ବିକ୍ରି ପାଇଁ ଅନୁମତି ପ୍ରଦାନ କରାଯାଇଥିବା କହିଛନ୍ତି ଡିସିପି ପିନାକ ମିଶ୍ର । ଧାର୍ଯ୍ୟ ସମୟ ଭିତରେ ବାଣ ଫୁଟାଇବାକୁ କହିଛନ୍ତି ଡିସିପି ।
ସମୟ ମଧ୍ୟରେ ବାଣ ଫୁଟାନ୍ତୁ: ଡିସିପି
ସହରରେ ବାଣ ବିକ୍ରି ପାଇଁ ଲାଇସେନ୍ସ ଅନୁମତି ମାଗିଥିବା ସମସ୍ତଙ୍କୁ ଅନୁମତି ଦିଆଯାଇଛି । ପାଖାପାଖି 200ରୁ 220 ଲୋକଙ୍କୁ ଲାଇସେନ୍ସ ପ୍ରଦାନ କରାଯାଇଛି । ଜିଲ୍ଲାର 27ଟି ସ୍ଥାନରେ ବାଣ ବିକ୍ରିକୁ ଅନୁମତି ମିଳିଛି । ଚୌଦ୍ବାରକୁ ମିଶାଇ ସମସ୍ତ ଥାନା ଅଞ୍ଚଳରେ ମୋଟ 27ଟି ସ୍ଥାନରେ ବାଣି ବିକ୍ରି ପାଇଁ ଲାଇସେନ୍ସ ଦିଆଯାଇଛି । ବାଣି ବିକ୍ରି ପାଇଁ ସ୍ବତନ୍ତ୍ର ଗାଇଡଲାଇନ ରହିଛି । ଖୋଲା ସ୍ଥାନରେ ଦୋକାନ କରିବା ସହିତ ଦୋକାନ ମଧ୍ୟରେ କିପରି ଦୂରତା ରହିବ ସେ ଦିଗରେ ଧ୍ୟାନ ଦିଆଯାଇଛି । ଅଗ୍ନି ନିରାପତ୍ତା ଉପରେ ଅଧିକ ଗୁରୁତ୍ବ ଦିଆଯାଇଛି । ଏହା ସହିତ କେମିକାଲଯୁକ୍ତ ବାଣ ବିକ୍ରି ଉପରେ ରୋକ ଲାଗିଛି ।