ଭୁବନେଶ୍ବର: ଆଉ 2 ଦିନ ପରେ ଦୀପାବଳି । ଏହାକୁ ନେଇ ଟ୍ବିନସିଟିବାସୀ ବେଶ୍ ଉତ୍ସାହିତ । ତେବେ ସୁରକ୍ଷାକୁ ଦୃଷ୍ଟିରେ ରଖି କମିଶନରେଟ ପୋଲିସ ଆତସବାଜିର ବ୍ୟବହାରକୁ ନେଇ ସତର୍କ ସୂଚନା ଜାରି କରିଛି । ନିୟମ ଉଲ୍ଲଙ୍ଘନ କଲେ କାର୍ଯ୍ୟାନୁଷ୍ଠାନ ସହ ଫାଇନ ଆଦାୟ କରାଯିବ।
ଆତସବାଜି ବ୍ୟବହାରକୁ ନେଇ ଜନସାଧାରଣଙ୍କ ନିମନ୍ତେ କମିଶନରେଟ ପୋଲିସର ପରାମର୍ଶ -
- ମାନ୍ୟବର ଉଚ୍ଚତମ ନ୍ୟାୟାଳୟଙ୍କର ନିର୍ଦ୍ଦେଶାନୁସାରେ ସଂନ୍ଧ୍ୟା8ଟାରୁ ରାତି10ଟା ଯାଏଁ ବାଣ ଫୁଟାଯାଇ ପାରିବ
- ଲାଇସେନ୍ସ ପ୍ରାପ୍ତ ବିକ୍ରେତାଙ୍କ ନିକଟରୁ ବାଣ କିଣନ୍ତୁ
- ପିଲାଙ୍କୁ ଏକୁଟିଆ ବାଣ ଫୁଟେଇବାକୁ ଦିଅନ୍ତୁ ନାହିଁ
- 125 ଡେସିବଲରୁ ଅଧିକ ଶବ୍ଦ କରୁଥିବା ବାଣ ଫୁଟାନ୍ତୁ ନାହିଁ
- ରେଶମ ଓ ପଶମ ବସ୍ତ୍ର ପିନ୍ଧି ବାଣ ଫୁଟାନ୍ତୁ ନାହିଁ
- ସାମୁହିକ ବାଣ ଫୁଟେଇବା ପାଇଁ ଜନବସିତି ଠାରୁ ଦୂରରେ ଥିବା ଖୋଲା ପଡିଆର ବ୍ୟବହାର କରନ୍ତୁ
- ଚାଇନା ବାଣ ମାଳରେ ଫୁଟେଇବା ସମ୍ପୂର୍ଣ୍ଣ ନିଷେଧ
- ବାଣ ଫୁଟେଇବା ପରେ ଅବଶେଷ ଗୁଡିକ ପାଣିରେ ବୁଡାଇ ଦିଅନ୍ତୁ
- ବାଣ ଫୁଟେଇବା ସମୟରେ ଆଶୁ ବକ୍ସ ପାଖରେ ରଖନ୍ତୁ
- ହାତରେ ବାଣ ଧରି କଦାପି ଫୁଟାନ୍ତୁ ନାହିଁ
- ନିଷେଧ ସ୍ଥାନ, ଶିକ୍ଷାନୁଷ୍ଠାନ, କୋର୍ଟ, ଧାର୍ମିକ ସ୍ଥାନ ଯଥା କର୍ତ୍ତୁପକ୍ଷଙ୍କ ଦ୍ବାରା ଘୋଷିତ ନୀରବ ଅଞ୍ଚଳରେ ବାଣ ପୁଟାନ୍ତୁ ନାହିଁ
- ନିରୀହ ପଶୁଙ୍କ ଉପରେ ଆତସବାଜି ପ୍ରୟୋଗ କରନ୍ତୁ ନାହିଁ
- ଜରୁରୀ ପରିସ୍ଥିତିରେ ପୋଲିସ କଣ୍ଟ୍ରୋଲ ରୁମ(100) ଓ ଦମକଳ କେନ୍ଦ୍ର(101)କୁ ସହାୟତା ପାଇଁ ଫୋନ କରନ୍ତୁ