କମିଶନରେଟ ପୋଲିସ ହାତରେ ପେଷାଦାର ଲୁଟେରା, ନାଁରେ ରହିଛି ୧୦୦ରୁ ଉର୍ଦ୍ଧ୍ବ ମାମଲା

କଟକ କମିଶନରେଟ ପୋଲିସ ହାତରେ ପେଷାଦାର ଲୁଟେରା । ବାଦମବାଡ଼ି ଥାନା ପୋଲିସ ଜଣେ କୁଖ୍ୟାତ ସୁନା ଅଳଙ୍କାର ଲୁଟେରାକୁ ଗିରଫ କରିବାରେ ସଫଳ ହୋଇଛି । ଲୁଟେରା ହେମନ୍ତ ଦାସଙ୍କ ନାଁରେ ବିଭିନ୍ନ ଥାନାରେ 100ରୁ ଉର୍ଦ୍ଧ୍ବ ମାମଲା ରହିଛି । ଅଧିକ ପଢନ୍ତୁ

କଟକ: କଟକ କମିଶନରେଟ ପୋଲିସ ହାତରେ ପେଷାଦାର ଲୁଟେରା । ବାଦାମବାଡ଼ି ଥାନା ପୋଲିସ ଜଣେ କୁଖ୍ୟାତ ସୁନା ଅଳଙ୍କାର ଲୁଟେରାକୁ ଗିରଫ କରିବାରେ ସଫଳ ହୋଇଛି । ଲୁଟେରା ହେମନ୍ତ ଦାସ ନାଁରେ ବିଭିନ୍ନ ଥାନାରେ 100ରୁ ଉର୍ଦ୍ଧ୍ବ ମାମଲା ରହିଛି । ସୂଚନା ମୁତାବକ ଗତ 29 ତାରିଖରେ ବିକାଶ ନଗର ଅଞ୍ଚଳରେ ଜଣେ ବ୍ୟକ୍ତିଙ୍କ ଘରେ ଲୁଟ କରିଥିଲେ ।

ସେଠାରୁ ସୁନା ଅଳଙ୍କାର ଓ ଟଙ୍କା ଲୁଟ କରିଥିଲେ । ପୋଲିସ ଏହି ଘଟଣାର ତଦନ୍ତ କରି 60 ଗ୍ରାମ ଚୋରି ସୁନା ଓ ଟଙ୍କା ଜବତ କରିବା ସହିତ ହେମନ୍ତ ଓ ଚୋରି ସୁନା କିଣିଥିବା ବୈଦ୍ୟନାଥ ସାହୁକୁ ଗିରଫ କରିଛି । ଏହି ଘଟଣାରେ ଅଧିକ ତଦନ୍ତ ଜାରି ରହିଥିବା ଏସିପି ଅମରେନ୍ଦ୍ର ପଣ୍ଡା ସାମ୍ୱାଦିକ ସମ୍ମିଳନୀରେ ସୂଚନା ଦେଇଛନ୍ତି ।

କଟକରୁ ନାରାୟଣ ସାହୁ, ଇଟିଭି ଭାରତ