କଟକ: ସିଲଭର ସିଟିରେ ବର୍ତ୍ତମାନ ଚାଲିଛି ଜୁଆଡିଙ୍କ ରାଜ । ସନ୍ଧ୍ୟା ହେଲେ ବେଧଡକ ମାତୁଛନ୍ତି ଜୁଆଡି । ତେବେ କମିଶନରେଟ ପୋଲିସ ଏଯାବତ 48 ଜଣ ବ୍ୟକ୍ତିଙ୍କୁ ଗିରଫ କରିଛି । ଏଥିସହ ଘଟଣାସ୍ଥଳରୁ 65 ହଜାର ଟଙ୍କା, 5ଟି ବାଇକ ଓ ଅନେକ ମୋବାଇଲ ଜବତ କରିଛି ପୋଲିସ ।
ସନ୍ଧ୍ୟା ହେଲେ ସହରରେ ମାତୁଛନ୍ତି ଜୁଆଡି । ଏନେଇ କମିଶନରେଟ ପୋଲିସ ପକ୍ଷରୁ ଆରମ୍ଭ ହୋଇଥିଲା ସ୍ବତନ୍ତ୍ର ଅପରେସନ । ମହାନଦୀ ବିହାରରେ 50 ଊର୍ଦ୍ଧ୍ବ ବ୍ୟକ୍ତି ଜୁଆ ଖେଳୁଥିବା ନେଇ ପୋଲିସ ଖବର ପାଇବା ପରେ ଘଟଣାସ୍ଥଳରେ ଚଢାଉ କରିଥିଲା । ରେଡ ବେଳେ 48 ଜଣଙ୍କୁ ଗିରଫ କରିବାରେ ସଫଳ ହୋଇଥିଲା କମିଶନରେଟ ପୋଲିସ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
