କଟକ: ନିୟମିତ ଆଇନଜୀବୀଙ୍କ ମଧ୍ୟରୁ ବିଚାରପତି ଚୟନ କରିବା ଦାବି ନେଇ ଆନ୍ଦୋଳନ ଜାରି ରଖିବ ହାଇକୋର୍ଟ ବାର ଆସୋସିଏସନ । ଆସନ୍ତା ୨୬ ତାରିଖ ଅର୍ଥାତ ୧୦ ଦିନ ପର୍ଯ୍ୟନ୍ତ କଲେଜିୟମ ସଦସ୍ୟ ଥିବା ୩ ବିଚାର ପତିଙ୍କ କୋର୍ଟକୁ ବର୍ଜନ କରିବା ପାଇଁ ବୈଠକରେ ନିଷ୍ପତ୍ତି ନେଇଛି ବାର ଆସୋସିଏସନ ।
ଭିଡ଼ିଓ ସୌଜନ୍ଯ: ସମ୍ବାଦଦାତ, କଟକ
ସେହିପରି ଆସନ୍ତା ୧୦ ଦିନ ମଧ୍ୟରେ ପ୍ରଧାନମନ୍ତ୍ରୀ, ସୁପ୍ରିମକୋର୍ଟ ମୁଖ୍ୟ ବିଚାରପତି ଓ ଆଇନମନ୍ତ୍ରୀଙ୍କୁ ଏକ ପ୍ରତିନିଧି ଦଲ ଭେଟିବା ପାଇଁ ବୈଠକରେ ସ୍ଥିର ହୋଇଛି । ସୂଚନା ଯୋଗ୍ୟ ହାଇକୋର୍ଟ ବାର ପରିସରଭୁକ୍ତ ନଥିବା ଜଣେ ଆଇନଜୀବୀଙ୍କୁ ବିଚାରପତି ପାଇଁ କଲେଜିୟମ ଚୟନ କରୁଥିବାରୁ ଏପରି ନିଷ୍ପତ୍ତିକୁ ବିରୋଧ କରିଛି ବାର ଆସୋସିଏସନ ।