କଟକ: ଆସନ୍ତା ୫ ତାରିଖରେ ରାଜ୍ୟ ସରକାର ପାଳନ କରିବାକୁ ଯାଉଛନ୍ତି ନିଜର ୨୦ ବର୍ଷ ପୂର୍ତ୍ତି ଉତ୍ସବ । ଏହା ସହ ସେହିଦିନ ପଞ୍ଚାୟତରାଜ ଦିବସ ଓ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଜନ୍ମଜୟନ୍ତୀ ମଧ୍ୟ ପାଳିତ ହେବ । ଏଥିପାଇଁ କଟକରେ ଆୟୋଜନ କରାଯାଇଛି ଏକ ବିରାଟ କାର୍ଯ୍ୟକ୍ରମ । ଏପଟେ ମଙ୍ଗଳବାର ଏନେଇ ପ୍ରସ୍ତୁତିର ସମୀକ୍ଷା କରିଛନ୍ତି ପ୍ରଶାସନ ଓ ରାଜ୍ୟ ସରକାରଙ୍କ ମନ୍ତ୍ରୀ ।
ମାର୍ଚ୍ଚ 5ରେ ବିଜେଡିର 20 ବର୍ଷ ପୂର୍ତ୍ତି, ବାଲିଯାତ୍ରା ପଡ଼ିଆରେ ପ୍ରସ୍ତୁତି
ନିଜର ୨୦ ବର୍ଷର ପୂର୍ତ୍ତି ଉତ୍ସବ ପାଳନ କରିବେ ରାଜ୍ୟ ସରକାର । ଏଥିପାଇଁ ବାଲିଯାତ୍ରା ପଡିଆରେ ଏକ ବିରାଟ ଉତ୍ସବର ଆୟୋଜନ କରାଯାଉଛି । ଏହି କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀଙ୍କ ସହ ରାଜ୍ୟ ସରକାରଙ୍କ ବହୁ ବିଶିଷ୍ଟ ବ୍ୟକ୍ତି ବିଶେଷ ଯୋଗଦେବେ । ଏହି ଉତ୍ସବରେ କଟକ ସମେତ ୫ଟି ଜିଲ୍ଲାର ପ୍ରାୟ ୫୦ ରୁ ୬୦ ହଜାର ଲୋକଙ୍କ ସମାଗମ ହେବ । ଏହି କାର୍ଯ୍ୟକ୍ରମକୁ ଆଉ ଗୋଟିଏ ଦିନ ହାତରେ ଥିବା ବେଳେ ମଙ୍ଗଳବାର ପ୍ରସ୍ତୁତି ନେଇ ସମୀକ୍ଷା କରାଯାଇଛି ।