କଟକ: ପୋଲିସ ଉପରେ ଅତ୍ୟାଚାର ଚଳିବ ନାହିଁ । ରବିବାର ରାଜ୍ୟ ପୋଲିସ ସଂଘ ତରଫରୁ ଅନୁଷ୍ଠିତ ସାମ୍ବାଦିକ ସମ୍ମିଳନୀ ଜରିଆରେ 6 ଦଫା ଦାବି ନେଇ ରାଜ୍ୟ ସରକାରଙ୍କୁ ନିବେଦନ କରିଛି ରାଜ୍ୟ ପୋଲିସ ସଂଘ ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ରାଜ୍ୟର ବିଭିନ୍ନ ଜିଲ୍ଲାରେ ଆରକ୍ଷୀଙ୍କ ଉପରେ ଦିନକୁ ଦିନ ଅତ୍ୟାଚାର ବଢୁଛି । ବିଶେଷକରି ବାଲିଆପାଳରେ ଘଟିଥିବା ଘଟଣା ସବୁ ସୀମା ଟପି ଯାଇଛି । ବାଲିଆପାଳ ଘଟଣାରେ ଉତ୍ୟକ୍ତ ଲୋକେ ପୋଲିସକୁ ମାଡ ମାରିବା ଘଟଣା ସାରା ରାଜ୍ୟରେ ଆଲୋଡନ ସୃଷ୍ଟି କରିଛି । ତେଣୁ ଯେପରି ଏପରି ଘଟଣାର ପୁନରାବୃତ୍ତି ନହୁଏ, ଏଥିପ୍ରତି ସରକାର ଦୃଷ୍ଟି ଦେବା ସହ ଏହା ପାଇଁ ଏକ ଆଇନ ପ୍ରଣୟନ କରାଯାଉ ବୋଲି ରାଜ୍ୟ ଆରକ୍ଷୀ ସଂଘ ଦାବି କରିଛନ୍ତି । ଏଥିସହ ବାଲିଆପାଳ ଘଟଣା ଉପରେ ଦୃଢ କାର୍ଯ୍ୟାନୁଷ୍ଠାନ ନେବା ପାଇଁ ମଧ୍ୟ ସଂଘ ଦାବି କରିଛି ।