କଟକ: ନେମାଳ ଥାନା ଅନ୍ତର୍ଗତ ବରକୋଳିଆ ବଜାରରେ ମର୍ମନ୍ତୁଦ ସଡକ ଦୁର୍ଘଟଣା। ଟ୍ରକ ତଳେ ଚାପିହୋଇ ଦୁଇଜଣ ବ୍ୟକ୍ତିଙ୍କର ମୃତ୍ୟୁ ହୋଇଥିବା ବେଳେ ଉଭୟଙ୍କର ପରିଚୟ ଏପର୍ଯ୍ୟନ୍ତ ମିଳିପାରି ନାହିଁ। ସେପଟେ ଘଟଣା ପରେ ସ୍ଥାନୀୟ ଲୋକେ ଉତ୍ୟକ୍ତ ହୋଇ ଟ୍ରକଟିକୁ ପୋଡି ଦେଇଛନ୍ତି।
ସ୍ଥାନୀୟ ବାସୀନ୍ଦାଙ୍କ କହିବା ଅନୁସାରେ ଦୁଇ ବ୍ୟକ୍ତି ରାସ୍ତାରେ ଯାଉଥିବା ସମୟରେ ଟ୍ରକଟି ତାଙ୍କ ଉପରେ ମାଡି ଯାଇଥିଲା। ତେବେ ପ୍ରକୃତରେ ଏହି ଦୁର୍ଘଟଣା କିପରି ଘଟିଛି ତାହାର ସୂଚନା ଏପର୍ଯ୍ୟନ୍ତ ମିଳିପାରିନାହିଁ। ଘଟଣାସ୍ଥଳରୁ ଟ୍ରକ ଡ୍ରାଇଭର ଫେରାର ଅଛି। ଘଟଣାରେ ଉତ୍ୟକ୍ତ ହୋଇସ୍ଥାନୀୟଲୋକେ ଟ୍ରକରେ ନିଆଁ ଲଗାଇ ଦେଇଥିବା ସୂଚନା ମିଳିଛି। ତେବେ ନେମାଳ ପୋଲିସ ଘଟଣା ସ୍ଥଳରେ ଏପର୍ଯ୍ୟନ୍ତ ପହଞ୍ଚିନଥିବା ବେଳେ ଉକ୍ତ ସ୍ଥାନରେ ଉତ୍ତେଜନା ବଢ଼ିବାରେ ଲାଗିଛି।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
