କଟକ: ପିକଅପ ଭ୍ୟାନ ଧକ୍କାରେ ପ୍ରାଣ ହରାଇଲେ ସାଇକେଲ ଆରୋହୀ । ମୃତକ ଜଣକ କାନପୁର ଥାନା ମାନପୁର ପଞ୍ଚାୟତ ସନିଆ ସାହିର ସଦାନନ୍ଦ ନାୟକ । ଦୁର୍ଘଟଣାଟି କଟକ ଜିଲ୍ଲା ନରସିଂହପୁର ବ୍ଲକ କାନପୁର ଥାନା ଅନ୍ତର୍ଗତ ୬୫ ନମ୍ବର ରାଜ୍ୟ ରାଜପଥ ଚମ୍ପେଶ୍ବର ସିଂହଦ୍ଵାର ଛକ ନିକଟରେ ଘଟିଛି ।
ସୂଚନା ଅନୁଯାୟୀ, ସଦାନନ୍ଦ ଶନିବାର ସକାଳେ ନରସିଂହପୁରରୁ ସାଇକେଲ ଯୋଗେ ବଡମ୍ବା ଫେରୁଥିଲେ । ଏହି ସମୟରେ ବଡମ୍ବାରୁ ନରସିଂହପୁର ଯାଉଥିବା ଏକ ପିକଅପ ଭ୍ୟାନ ତାଙ୍କୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା । ତେବେ ଧକ୍କା ଦେଇ ଫେରାର ହେବାକୁ ଉଦ୍ୟମ କରୁଥିବା ପିକଅପ ଭ୍ୟାନର ଡ୍ରାଇଭରକୁ ଗ୍ରାମବାସୀ ଅଟକ ରଖିଛନ୍ତି।
ଭିଡିଓ ସୌଜନ୍ୟ: ସମ୍ବାଦଦାତା, କଟକ