କଟକ: ସିଲଭର ସିଟିରେ ଶିଶୁ ବିକ୍ରି ଅଭିଯୋଗ । ଦାରିଦ୍ର୍ୟତା ଆଗରେ ହାରିଯାଇଛି ମାଆର ମମତା । ଜଣେ ଦମ୍ପତି ନିଜ ଜନ୍ମିତ ଶିଶୁକନ୍ୟାକୁ 50ହଜାର ଟଙ୍କାରେ ବିକ୍ରି କରିଥିବା ଅଭିଯୋଗ ହୋଇଛି । ଏପରି ଘଟଣା ଘଟିଛି କଟକ ମର୍କତ ଥାନା କାଠଯୋଡି ବିହାର ବସ୍ତି ଅଞ୍ଚଳରେ ।
ଦାରିଦ୍ର୍ୟତା ପାଇଁ ମରିଗଲା ମମତା
ସୂଚନାଅନୁସାରେ, ମାର୍କତ ଅଞ୍ଚଳ ଏକ ବସ୍ତିରେ ରହୁଥିବା ଜଣେ ଦମ୍ପତି ନିଜର ଦୁଇ ମାସର ଶିଶୁକନ୍ୟାକୁ 50 ହଜାର ଟଙ୍କାରେ ବିକ୍ରି କରିଥିବା ନେଇ ଅଭିଯୋଗ ହୋଇଛି । ଖବରପାଇ ଚାଇଲ୍ଡ ଲାଇନ ପୋଲିସ ସହାୟତାରେ ଶିଶୁକନ୍ୟାକୁ ଉଦ୍ଧାର କରାଯାଇଛି । ଏହା ସହିତ ପୋଲିସ ଶିଶୁକନ୍ୟାର ବାପା ମାଆ ସହିତ ଶିଶୁକୁ ବିକ୍ରି କରାଯାଉଥିବା ଦମ୍ପତିଙ୍କୁ ଥାନାରେ ଅଟକ ରଖିଛି । ତେବେ ଶିଶୁକନ୍ୟାକୁ କିଣି ଥିବା ବ୍ୟକ୍ତି ଜଣକ ଜଣେ ମେଡିକାଲ କତ୍ତୃପକ୍ଷ ବୋଲି ଜଣାପଡିଛି ।