ଆଠଗଡ଼ ଏନଏସସିର ୧୮ ୱାର୍ଡ କଣ୍ଟେନମେଣ୍ଟ ଜୋନ ଘୋଷିତ

ଆଠଗଡ଼ ଏନଏସସିର ୧୮ ଟି ୱାର୍ଡକୁ କଣ୍ଟେନମେଣ୍ଟ ଜୋନ ଘୋଷଣା କରାଯାଇଛି। ଆସନ୍ତା ଗୁରୁବାର ସନ୍ଧ୍ୟା ୬ ଟା ପର୍ଯ୍ୟନ୍ତ କଣ୍ଟେନମେଣ୍ଟ ଜୋନ ଘୋଷଣା କରିଛି ଜିଲ୍ଲା ପ୍ରଶାସନ।

କଟକ: ଆଠଗଡ଼ ଏନଏସସିର ୧୮ ଟି ୱାର୍ଡକୁ କଣ୍ଟେନମେଣ୍ଟ ଜୋନ ଘୋଷଣା କରାଯାଇଛି। ଆସନ୍ତା ଗୁରୁବାର ସନ୍ଧ୍ୟା ୬ ଟା ପର୍ଯ୍ୟନ୍ତ କଣ୍ଟେନମେଣ୍ଟ ଜୋନ ଘୋଷଣା କରିଛି ଜିଲ୍ଲା ପ୍ରଶାସନ। ଜଣେ ମେଡ଼ିସିନ ଦୋକାନୀ କaରୋନା ଆକ୍ରାନ୍ତ ଚିହ୍ନଟ ହେବା ପରେ ଏହି ନିଷ୍ପତି ନିଆଯାଇଛି ।

ଆଠଗଡ଼ ଏସଡିପିଓ ଓ ତାଙ୍କ ଡ୍ରାଇଭର ସମେତ ୫ ଜଣ ପୋଲିସ କର୍ମଚାରୀ କaରୋନା ପଜେଟିଭ ଚିହ୍ନଟ ହେବା ପରେ ଜଣେ ମେଡ଼ିସିନ ଦୋକାନୀ ତାଙ୍କ ସଂସ୍ପର୍ଶ ରେ ଆସିଥିଲେ। ତେବେ ସମ୍ପୃକ୍ତ ମେଡ଼ିସିନ ଦୋକାନୀ ହୋମ କ୍ବାରଣ୍ଟାଇନ ରୁ ବାହାରି ଆଠଗଡ଼ ଏନଏସସିର ପାଖାପାଖି ୫ ଶହରୁ ଉର୍ଦ୍ଧ୍ବ ଲୋକଙ୍କ ସଂସ୍ପର୍ଶରେ ଆସିଥିବା କଣ୍ଟାକ୍ଟ ଟ୍ରେସିଂରୁ ଜଣାପଡ଼ିଛି। ତେବେ ଉକ୍ତ ଅଞ୍ଚଳରେ ସ୍ଥାନୀୟ ସଂକ୍ରମଣ ବ୍ୟାପିବାର ସମ୍ଭାବନା ଥିବାରୁ ୧୮ ଟି ୱାର୍ଡକୁ କଣ୍ଟେନମେଣ୍ଟ ଜୋନ ଘୋଷଣା କରାଯାଇଛି । ଉକ୍ତ ଅଞ୍ଚଳରୁ କେହି ଲୋକ ବାହାରକୁ ଯାଇପାରିବେ ନାହିଁ କିମ୍ବା ଉକ୍ତ ଅଞ୍ଚଳକୁ କୌଣସି ବାହାର ଲୋକ ପ୍ରବେଶ କରି ପାରିବେ ନାହିଁ।


କଟକରୁ ନାରାୟଣ ସାହୁ, ଇଟିଭି ଭାରତ