କଟକ: ଆଠଗଡ଼ ପ୍ରସିଦ୍ଧ ଶୈବ ପୀଠ ବାବା ଧବଳେଶ୍ବରଙ୍କ ପୀଠରେ 144 ଧାରା ଜାରି କଲା ଜିଲ୍ଲା ପ୍ରଶାସନ । କାର୍ତ୍ତିକ ମାସର ପ୍ରଥମ ସୋମବାର 25 ତାରିଖ ଭୋର 4ଟାରୁ ରାତି 10ଟା ପର୍ଯ୍ୟନ୍ତ 144 ଧାରା ବଲବତ୍ତର ରହିବ। ଏନେଇ ସୂଚନା ଦେଇଛନ୍ତି ଉପଜିଲ୍ଲାପାଳ ଅଜାମ୍ବର ମହାନ୍ତି । କାର୍ତ୍ତିକ ମାସ ପ୍ରଥମ ସୋମବାରରେ ଏହି ଶୈବପୀଠରେ ଶ୍ରଦ୍ଧାଳୁଙ୍କ ଭିଡ଼ ହେବା ଆଶଙ୍କା ରହିଛି । ଏଥିପାଇଁ ପ୍ରଶାସନ ପକ୍ଷରୁ ଏଭଳି ପଦକ୍ଷେପ ନିଆଯାଇଛି ।
କାର୍ତ୍ତିକ ମାସ ପ୍ରଥମ ସୋମବାର, ଧବଳେଶ୍ବର ପୀଠରେ ଲାଗିବ 144 ଧାରା
ବର୍ତ୍ତମାନ ରାଜ୍ୟର କେତେକ ସ୍ଥାନରେ ପୁନଃ କୋରୋନା ସଂକ୍ରମଣ ବଢ଼ିବାରେ ଲାଗିଛି । ସେପଟେ ପାର୍ବଣ ଋତୁରେ କୋଭିଡ ଚେନ୍ ଭାଙ୍ଗିବାକୁ ରାଜ୍ୟ ସରକାରଙ୍କ ପକ୍ଷରୁ ସ୍ବତନ୍ତ୍ର ଗାଇଡଲାଇନ୍ ଜାରି କରାଯାଇଛି । ଗଣେଷ ପୂଜା, ଦୁର୍ଗା ପୂଜା ଓ ଗଜଲକ୍ଷ୍ମୀ ପୂଜାରେ କଟକଣା ଲାଗିଥିଲା । ଏହି କ୍ରମରେ ଆଗକୁ ଆସୁଥିବା ପର୍ବପର୍ବାଣୀ ଉପରେ ମଧ୍ୟ କଟକଣା ଜାରି କରୁଛନ୍ତି ସ୍ଥାନୀୟ ପ୍ରଶାସନ ।