ନିର୍ବାଚନ ପାଇଁ ରାଜଧାନୀରେ ବ୍ଲକିଂ-ଚେକିଙ୍ଗ୍

ରାତିଅଧିଆ କମିଶନରେଟ ପୋଲିସ ବିଭିନ୍ନ ଛକ ଓ ରାଜପଥକୁ ବନ୍ଦ କରି ସମସ୍ତ ଗାଡି ତଥା ଲୋକଙ୍କୁ ତନ୍ନତନ୍ନ କରି ଯାଞ୍ଚ କରିଛି । ନିର୍ବାଚନ ଥିବାରୁ କୌଣସି ଅପ୍ରୀତିକର ଘଟଣା ଯେପରି ନଘଟେ, ସେଥିପାଇଁ ରାଜଧାନୀ ପୋଲିସ୍ ରାତିଅଧିଆ ଯାଞ୍ଚ ଆରମ୍ଭ କରିଦେଇଛି ।

ଭୁବନେଶ୍ବର: ନିର୍ବାଚନକୁ ନେଇ ରାଜଧାନୀରେ ବଢିଲା ସୁରକ୍ଷା ବ୍ୟବସ୍ଥା । ରାତିଅଧିଆ କମିଶନରେଟ ପୋଲିସ ରାଜଧାନୀର ବିଭିନ୍ନ ଛକରେ ଲୋକ ଓ ଗାଡିକୁ ଯାଞ୍ଚ କରିଛି । ଅପରାଧିକ କାର୍ଯ୍ୟକଳାପ, ନିଶା ଦ୍ରବ୍ୟ କାରବାର, ବନ୍ଧୁକ ସହ ଟଙ୍କା କରାବାର ଉପରେ ବିଶେଷ ନିଜର ରଖାଯାଇଛି ।

ଆଗକୁ ନିର୍ବାଚନ ଥିବାରୁ କୌଣସି ଅପ୍ରୀତିକର ଘଟଣା ଯେପରି ନଘଟେ, ସେଥିପାଇଁ ରାଜଧାନୀ ପୋଲିସ୍ ରାତିଅଧିଆ ଯାଞ୍ଚ ଆରମ୍ଭ କରିଦେଇଛି । ବିଭିନ୍ନ ଛକ ଓ ରାଜପଥକୁ ବନ୍ଦ କରି ସମସ୍ତ ଗାଡି ତଥା ଲୋକଙ୍କୁ ତନ୍ନତନ୍ନ କରି ଯାଞ୍ଚ କରାଯାଉଛି । ବିଶେଷ କରି କାର,ଟ୍ରକ, ବାଣିଜ୍ୟକ ଯାନ ଉପରେ ନଜର ରଖିଛି କମିଶନରେଟ ପୋଲିସ । ଏପରି ରାତିଅଧିଆ ଯାଞ୍ଚ ପ୍ରକ୍ରିୟା ଜାରି ରହିବ ବୋଲି କମିଶନରେଟ ପୋଲିସ ପକ୍ଷରୁ ଜଣାଇ ଦିଆଯାଇଛି ।

ଭୁବନେଶ୍ବରରୁ ତାପସ କୁମାର ପରିଡା, ଇଟିଭି ଭାରତ