ବାଇକ ହେଡ ଲାଇଟ୍‌ରେ ଫଣା ଟେକିଲା ନାଗ

ବାଇକ ଉପରେ ଫଣା ଟେକୁଛି ନାଗ ସାପ । ବାଡି ଦେଖାଇଲେ ମାରୁଛି ଚୋଟ ।

ଭୁବନେଶ୍ବର: ବାଇକ ଉପରେ ଫଣା ଟେକୁଛି ନାଗ ସାପ । ବାଡି ଦେଖାଇଲେ ମାରୁଛି ଚୋଟ । ଦୃଶ୍ୟଟି ହେଉଛି ରାଜଧାନୀ ଉପକଣ୍ଠ ଅନ୍ଧାରୁଆର । ଯେଉଁଠି ବାଇକ୍‌ରେ ଯାତ୍ରା କରୁଥିବା ସମୟରେ ହଠାତ୍‌ ନିଜ ବାଇକ୍‌ର ହେଡ ଲାଇଟ୍‌ ଉପରେ ନାଗ ସାପର ଫଣା ଦେଖିବାକୁ ପାଇଥିଲେ ନିମାଇଁ ପରିଡା ।

ତେବେ ଏଥିରେ ବ୍ୟସ୍ତ ବିବ୍ରତ ନ ହୋଇ ଅତି ସାବଧାନତାର ସହ ବାଇକ୍‌କୁ ଅଟକାଇ ନିମାଇଁ ସ୍ନେକ ହେଲ୍ପଲାଇନକୁ ଯୋଗାଯୋଗ କରିଥିଲେ । ପରେ ଖବର ପାଇ ସ୍ନେକ ହେଲ୍ପଲାଇନର ଆଶିଷ କୁମାର ବେହେରା ଘଟଣାସ୍ଥଳରେ ପହଞ୍ଚି ହେଡ ଲାଇଟ କମ୍ପୋନେଣ୍ଟରୁ 4 ଫୁଟର ନାଗ ସାପକୁ ଉଦ୍ଧାର କରିଥିଲେ ।

ଖୁସିର କଥା କି ଘଟଣାରେ କେହି କ୍ଷତାହତ ହୋଇଥିବାର କୌଣସି ସୂଚନା ନାହିଁ ।

ଭୁବନେଶ୍ବରରୁ ତାପସ କୁମାର ପରିଡା, ଇଟିଭି ଭାରତ