ଭୁବନେଶ୍ୱର: ଦ୍ୱିତୀୟ ଦିନରେ ପହଞ୍ଚିଛି ଷୋଡଶ ବିଧାନସଭାର ଗୃହକାର୍ଯ୍ୟ। ଆଜିର ଏହି କାର୍ଯ୍ୟ ଦିବସ ଆରମ୍ଭରୁ କୃଷି ଏବଂ କୃଷକଙ୍କ ସମସ୍ୟାକୁ ନେଇ ସରକାରଙ୍କୁ ଘେରିଛନ୍ତି ବିରୋଧି। ଗୃହରେ ଏ ପ୍ରସଙ୍ଗରେ ତଥ୍ୟ ରଖି ନପାରି ହଟହଟା ହୋଇଛନ୍ତି କୃଷିମନ୍ତ୍ରୀ ଅରୁଣ ସାହୁ ।
2011 ଜନଗଣନା ଅନୁଯାୟୀ ଓଡ଼ିଶାରେ 57 ଲକ୍ଷ ଚାଷୀ, କୃଷି ଉପରେ ନିର୍ଭରଶୀଳ। ସେମାନଙ୍କ ମଧ୍ୟରୁ 32.8 ଲକ୍ଷ କୃଷକ ଓ 24.20 ଲକ୍ଷ କୃଷିକ୍ଷେତ୍ରରେ କାର୍ଯ୍ୟରତ ଶ୍ରମିକ। 2021 ଜନଗଣନା ପରେ ଅଧିକ ତଥ୍ୟ ଆସିବ। ଚାଷ ପ୍ରତି ଚାଷୀ ବିମୁଖ ହୋଇଥିଲେ ମଧ୍ୟ ଚାଷ ଛାଡିନାହାନ୍ତି ବୋଲି କୃଷିମନ୍ତ୍ରୀ ବିଧାନସଭାର ପ୍ରଶ୍ନକାଳରେ ଗୃହକୁ ଜଣାଇଥିଲେ। ମନ୍ତ୍ରୀଙ୍କ ଏପରି ଉତ୍ତରରେ ଅସନ୍ତୋଷ ପ୍ରକାଶ କରିଥିଲେ କଂଗ୍ରେସ ବିଧାୟକ।
ଭିଡିଓ ସୌଜନ୍ୟ: ବ୍ୟୁରୋଚିଫ୍, ଭୁବନେଶ୍ବର